太湖
太湖，中国五大淡水湖之一，是乃朝第二大个淡水湖，立在江苏省个南面，替浙江省北面交界。大部分水域勒苏州市，有“包孕吴越”之称。周边主要城市有苏州市（吴江）、无锡市（宜兴）搭湖州市（长兴）。太湖是吴越文化个重要发源地。
介绍 编辑
太湖是吴越第一大湖，中国第二大淡水湖，勒嘞江苏省南面，浙江省北面，行政浪大部分隶属于苏州市。湖面海拔3．33米，最深达4.8米，周近400公里，面积2338平方公里（三万六千顷）。湖中有大小岛屿48个，连同沿湖半岛山峰，共有72峰。以鼋头渚、三山、洞庭东山、西山、马迹山最有名，组成一幅山外有山，湖中有湖，山峦连绵，层次重叠个壮丽天然图画。沿湖有著名个无锡山水、苏州园林、古吴名迹、宜兴洞天世界，形成之闻名中外个太湖风景区。为全国重点风景名胜区。
太湖古称震泽、具区，又称笠泽、五湖。
太湖周边风景区 编辑
《太湖风景名胜区规划》编制勒1983年，1986年经国务院同意批准。经国务院同意批准个太湖风景名胜区规划总面积有3091平方公里，当中景区面积有888平方公里，外围保护地带面积2203平方公里。太湖风景名胜区由13个景区、2个独立景点组成。苏州市有8个景区，分别是市区里向个木渎、石湖、光福、东山、西山、甪直景区，吴江市个同里景区，常熟市个虞山景区；无锡市有5个景区，分别是市区个梅粱湖、蠡湖、锡惠、马山景区，宜兴市个阳羡景区；无锡市还有2个独立景点，分别是泰伯庙、泰伯墓。[1]
- 湖州：太湖乐园
- 无锡：鼋头渚、蠡园
- 苏州：苏州西山风景区、苏州东山风景区、太湖国家湿地公园
註釋 编辑
參考資料 编辑
- ↑ 太湖风景名胜区总体规划修编工作方案 (zh-cn). 江苏省住房和城乡建设厅 (2007-08-31). 原始文档勒2014-08-22存档. 访问日脚2014-08-22. “《太湖风景名胜区规划》编制于1983年，1986年经国务院同意批准。经国务院同意批准的太湖风景名胜区规划总面积为3091平方公里，其中景区面积888平方公里，外围保护地带面积2203平方公里。太湖风景名胜区由13个景区、2个独立景点组成。分别为苏州市的木渎、石湖、光福、东山、西山、甪直景区；吴江市的同里景区；常熟市的虞山景区；无锡市的梅粱湖、蠡湖、锡惠、马山景区；宜兴市的阳羡景区等13个景区和无锡市的泰伯庙、泰伯墓2个独立景点组成。”
