虞洽卿
虞洽卿（教会罗马字：Nyü ‘Ah-ky‘ing，1867年6月19号－1945年4月26号），吴越人，出生浙江省宁波。本名虞和德，字洽卿，幼名瑞岳，是20世纪前半段上海顶有名个企业家，社会名流，海上闻人，东正教信徒，上海中国正教协会会长，教名安利烈·帕夫洛维奇·虞。
生平 编辑
出生推板 编辑
1867年6月19号（清同治六年阴历五月十八日卯时），虞洽卿出生勒浙江省宁波府“三北”地区镇海县北部龙山乡山下村（镇海、慈溪、余姚三县北部临海，并称“三北”），屋里无啥铜钿，6岁辰光，爷生毛病故脱，只好由伊拉娘做生活维持，一直养到伊14岁。
混迹上海 编辑
1884年娘托人让伊獨個子到上海。一開始，伊在拉瑞康顏料行當學徒。因爲頭子活絡、生活清爽，老板奚潤如交關看相渠，乃麽提拔渠做業務。在拉迭個過程當中，伊搭洋行接觸，意識著在拉上海迭個國際商埠英文邪氣要緊，個咾開始利用業餘辰光讀英文，夜裏還到城隍廟替外國人做導遊，練習會話。
出任买办 编辑
1902年伊辭脫魯麟洋行個職務，改任華俄道勝銀行買辦；第二年又轉任荷蘭銀行買辦，通過進出口押匯等業務，銅鈿賺仔海海會會。
自营商业 编辑
1908年搭寧波人袁鎏、朱佩珍、吳傳基、李厚垣、方舜年、嚴義彬、葉璋、周晉鑣、陳薰合keh4，音鴿伙，開辦四明銀行（乃朝旧址在拉上海市黄浦区江西中路北京东路路口西北角）。
1909年，虞洽卿开始考虑，要进入到航运业当中。迭个辰光，控制上海搭仔宁波之间水上运输个，是东方、太古两爿外商轮船公司以及有官方背景个轮船招商局。迭个三爿公司为仔共同获利，常庄同步抬高货运搭客运价格，上海个宁波藉商人则深受其害；乃么宁波商帮个迫切巴望好自家创办轮船公司。虞洽卿头脑邪气敏锐，豪燥把牢迭只机遇，開始投資於航運業創辦寧紹、三北、鴻安3家輪船公司經營上海到寧波、上海到漢口個航線。
声望日隆 编辑
1911年辛亥革命爆发。迭歇辰光，上海个工商业交关人还是观望状态；但虞洽卿捉牢机会，积极联系别人，替陈其美筹集军饷。之后，伊也因为投机成功咾得着重用，成为仔上海军政府个所谓外交部副部长，在拉都督府个名单当中位列顾问团首位。之后，伊彻底成为仔海上闻人，经常作为各种商团个主席、会长，代表上海商圈进行活动搭仔交涉。
1924年當選為上海總商會會長，之后，还出任过交关重要个上海商界职位，成为上海迭个阶段宁波帮商人个代表、也是江浙地区新兴资本家个代表。
1927年，伊也积极配合国民党；在拉四一二事件当中，畀仔国民党交关支持。
关系网络 编辑
搭工部局个关系
搭黑社会个关系
搭罗刹[1]个关系 编辑
虞洽卿年轻辰光搭仔俄罗斯人做生意，因为当伊拉个买办，个咾为仔行ghang1方便，也就成为东正教徒。之后，伊利用在拉俄华道胜洋行个便利性，接触仔交关俄罗斯人，成为来沪宁波人当中极少数亲俄名流。安利烈•帕夫洛维奇•虞（虞洽卿）是苏联个老牌克格勃，东正教会当时实际上向是上海个一只出名个间谍窠；但伊同时也是上海商会个重要主持人，五卅运动个主要幕后推手之一——充当调解人。[2]
搭北洋政府个关系 编辑
在拉北洋军阀混战阶段，虞洽卿为仔自家利益，常常进行借贷活动——譬方1919年12月，伊就从北洋政府财政部获得白银30万两。
搭国民党个关系 编辑
虞洽卿是蒋中正个同乡。尽管伊搭北洋军阀关系紧密，但也注意保持搭国民党个关系。在拉北伐战争当中，国民党征用伊个船只，每趟总归侪出钞票畀虞洽卿，从来弗曾空过伊铜钿歇。
曾经出任个职务 编辑
·上海总商会会长
·淞沪商埠市政会办
·纳税华人会主席
·上海市轮船同业公会主席
遗迹 编辑
乃朝上海个西藏路老早底曾叫虞洽卿路。