吴语维基百科

大家侪好编写个自由百科全书

时新图文

依夫城堡(法文:Château d'If),造拉马赛非乌勒群岛上个城堡。

1516年辰光,法国国王弗朗斯伐一世(François Ier)来玛里娘打仗,一落头地打到马赛。从依夫岛望,渠分析马赛根本呒不防外侵个防卫设施,怪得渠命令来岛上造一个防卫城。隔脱仔8年,西班牙国王卡洛斯一世只想吃落马赛。虽然讲特派大臣米朗达勒拿进攻部队打退哉,不过箇事体还讲明一个问题:城市进口个防卫要加强。箇年,也便是1524年,第一批城墙开造咾,望渠里好保护港口,外加派仔两百个兵搭廿二门大炮摆勒岛上。

马赛人弗买账,还搭箇只城堡起着只绰号叫“讨惹厌个邻舍”。马赛人开始争论箇城堡,因为来1481年前,马赛弗是法国领土。怪得对渠里来讲,城堡是法国国王对马赛掌权个象征。

城堡最终来1531年造好。西班牙国王卡洛斯一世后歇来登1536年也亲自进攻马赛,不过渠登拉城堡边上兜仔几圈,终归还是呒没办法拿渠攻下来。

依夫城堡造好交关年数之后,大约莫来16世纪中期,渠多仔一项监牢个功能。为仔城堡个地理位置搭建筑风格咾,渠变成理想个监牢,难板有人逃得出。只要有人拿城堡守牢就好哉,外加城堡也从来朆有人来进攻。

但必过,依夫城堡真正出名是因为一本书:大仲马个《基督山伯爵》。箇本小说个主人公艾特蒙·堂戴斯就是关勒依夫城堡里向个。

侬晓得𠲎

宗谷岬
宗谷岬

吳語消息Beta

  • 中國證監會打擊「惡意做空」,撤調證監會主席。
  • 剛巧過去个2024年1月份是有記錄以來頂熱个1月份。

新闻

吴语介绍

吴语讲得来否?吴语是汉语族里向个一种闲话,历史交关悠久。讲吴语个人分布在拉江苏南面,浙江大部分,整个上海安徽南面搭仔福建江西少部分场许。通行吴语个县市有110个横里,人口8070万光景(2015年),在拉汉语族语言里向排名第二、世界上排名第十。吴语有交关种书写系统,汉字是顶传统搭流行个。

参与维基百科

维基百科是隻多种闲话、内容自由、大家侪好编写个协作打算,目标是建一部完整、准足外加中立个百科全书。

大家来帮衬帮衬,一淘编写吴语维基百科,积累吴语文本资料。弗管是开新篇修旧文,还是增插画,侪是替维基百科出力。

维基百科由非盈利性组织维基媒体基金会运作。维基媒体基金会还有仔别他开放内容个项目:

维基共享资源
多媒体资料库
元维基
协调各维基计划
维基数据
自由个知识库
MediaWiki
Wiki软件开发
维基文库
自由个源文件库
维基词典
多语言词典
维基语录
名人名言
维基教科书
教材搭手册
维基物种
自由个物种资料库
维基新闻
自由个新闻资源
维基学院
自由个学习资源
维基导游
自由个孛相指南
闲话