汉字简化方案
（从一简字转戳到箇里）
《汉字简化方案》，是1950年代中华人民共和国国务院公布个汉字简化个规范，是中华人民共和国汉字改革个主要内容之一[1]。因为後些来又出現第二次汉字简化方案，故咾迭隻改革方案貤叫第一次汉字简化方案。1986年，伊畀《简化字总表》取代脱。
结构
编辑
《汉字简化方案》一共有三部分，分别是：
- 第一部分〈汉字简化第一表〉，共收230隻简化字，1956年2月1号开始全面推行；
- 第二部分〈汉字简化第二表〉，共收285隻简化字；
- 第三部分〈汉字偏旁简化表〉，共收54隻简化偏旁。
〈汉字简化第二表〉搭〈汉字偏旁简化表〉是“公布试用”，向各地政协委员征求意见以後先做些修正，再正式分批推行。
第一表搭第二表个简化字加起来总共515隻。
方案个推行
编辑1956年到1959年，《汉字简化方案》个简化字，分四批来勒印刷物丄正式推行，总共517個简化字，箇當中第一表搭第二表个简化字有487隻，还有30隻类推简化字：
- 1956年2月1号，推行第一批简化字，共260隻。（包括第一表230隻简化字，搭仔30隻类推简化字。當中「鐵」「觀」「覺」「證」四字简化成「鉄」「覌」「覚」「証」，到第四批推行个辰光纔简化偏旁部首。）
- 1956年6月1号，推行第二批简化字，共95隻。（“臨”简化成“
”，8年以後个《简化字总表》丄改成“临”。） - 1958年5月15号，推行第三批简化字，共70隻。
- 1959年7月15号，推行第四批简化字，共92隻，並规定简化偏旁来勒出版物上“陆续推行”，弗再分批公布。（方案里向，“钟”本来只是“鐘”个简化字，第四批推行个辰光兼作“鍾”个简化字。方案本来拿“婁嘍”简化成“娄”，“徹澈”简化成“彻”，“倉艙”简化成“仓”，来勒第四批推行个辰光又拆开来哉。）
参考
编辑- ↑ 教育部就《汉字简化方案》等发布50周年答记者问 (zh). 中华人民共和国中央人民政府. 中国网 (2006-03-22).
