三体问题
三体问题（英语：Three-body problem）是天体力学当中个基本力学模型。
内容
编辑伊指个是三个质量、初始位置搭初始速度侪是任意个好看成是质点个天体，勒拉三個物事当中个万有引力个作用下头个运动规律问题。
现在已经晓得，三体问题呒没精确个解，也就是呒没办法预测所有三体问题个数学情景，只有当中某几种特殊情况好研究。
比方讲勒拉太阳系当中，考虑太阳、地球搭月球个运动，伊拉当中通过万有引力相吸引。假使讲箇三颗星球侪看成质点，而且忽略脱其他星球个引力，箇末太阳、地球搭月球个运动也就可以畀看成是三体问题。
历史
编辑1887年，为仔庆祝自家个60岁生日，瑞典国王奥斯卡二世花钞票赞助仔一项竞赛，求个是太阳系个稳定性问题个解答，箇是三体问题个一個变种。
法国数学家庞加莱简化仔箇只问题，提出限制性三体问题：也就是加上仔当中两個球体个质量邪氣大，让第三個球体个质量完全弗会得对伊产生啥扰动箇个条件。面对箇只问题，庞加莱用仔伊自家发明个相态图理论，阿末发现仔混沌理论。虽然箇个方法根本呒没畀出一個完整个答案，伊个研究让人有蛮深个印象，让伊勒拉1888年捞着奖金。
庞加莱发现箇只系统个演变经常是混沌个，也就是讲如果初始状态浪有一個小个扰动，比方讲一个物事个初始位置有些小个变化，箇末后些来个状态可能会得有邪氣大个弗同。假使讲箇个小个变化测弗出，箇末我伲就呒没办法估出伊阿末个状态。
当中个一位裁判，数学家卡尔·魏尔施特拉斯表扬伊：“箇个研究弗好真正看作是对箇个要求个问题个完善解答，但是伊个重要性标志天体力学个一个新时代个诞生。”