三德里（上海宝山路）

三德里是中国上海靜安区个一条旧式里弄，1917年前后造个，来勒宝山路南段，鸿兴路以东，永兴路以南，包括2层石库门住宅20多幢。因为伊贴隔壁是商务印书馆，大部分房子侪是商务印书馆承租畀书馆职工住个。

“四·一二”惨案革命群众流血牺牲地点
上海市文物保护单位
所在	上海市闸北区
分类	近现代重要史迹及代表性建筑
时代	1927年
登录	1977年12月7号

后来箇埭成为文化界人士个活动场所。1922年，文学社团创造社成立个第二年，来勒三德里A11号设立《创造季刊》编辑部，出版刊物《A11》。1926年1月1号，郭沫若、恽代英、张闻天、沈雁冰、杨贤江、沈泽民等人来勒A3号成立中国济难会，拿章程公布勒发行个《济难》创刊号上。

三德里附近也是四一二事变个发生地。1927年4月13号下半天1点钟，上海总工会组织个6万多武装游行工人来到宝山路三德里附近个辰光畀军队开枪镇压，当场打死100多人。1977年，宝山路三德里附近成为革命纪念地。

1932年一二八事变，日军轰炸闸北轰炸得唻弗得了，三德里帮商务印书馆侪畀炸光哉。遗址现在是宝山路220~300号。1977年12月份，伊成为上海市文物保护单位。