三浦按針

三浦按针（假名：みうら あんじん），本名：William Adams（1564年9月24号－1620年5月16号），是出生英国伦敦东区，12岁开始到船上做生活，先当水手，后来成为领航员。

威廉·亚当斯觐见德川家康

1598年，伊跑到荷兰，加入到对远东个航行舰队，1600年漂流到日本三浦半岛。上岸之后，伊拉一群外国人侪畀看管起来。但因为思路清爽，能力高，亚当斯就畀德川家康看中，并畀招揽，作为德川氏个旗本武士，也成为德川家康对西洋方面个顾问，伊是第一个成为正规日本武士个英国人，领有一块250石个领地，之后，伊根据德川家康个命令，同到访日本个葡萄牙人、西班牙人接触，并且帮助到日本个荷兰人搭英国人勒九州岛个平户开设商馆，开展商业活动。

但勒德川家康死脱之后，亚当斯失宠，1620年5月26号，亚当斯勒平户死脱，埋勒平户商馆附近个公共墓园。