上海市域铁路
上海市域铁路，简称市域铁，是服务上海市主城区同新城搭仔近沪城镇、新城间个快速、中长距离个城市轨道交通系统，从属于由市域线、市区线、局域线三個层次组成个上海轨道交通网络。按照上海市城市总体规划，上海会得新造500公里个市域铁路。
形式
编辑按照造个辰光啊是国铁线路，好拿上海市域铁路个线路分成两类。
通勤铁路
编辑上海市域铁路个线路主要形式，线路设计、班次服务主要是近郊通勤服务，用市域C型车车型。箇种线路可能有同国铁线路个联络线，开行一部分同国铁联通运行个通勤车次，或者同外省个市域铁路联通运营，比方讲机场联络线、南汇支线、嘉闵线、示范区线、南枫线咾啥个。
国铁线路丄个通勤铁路
编辑箇种线路一开始是国铁来造个，线路走向、车站设置丄可能会得避开建成区、站距大，来勒上海同国铁合作以後纔会得开通勤列车，甚至改造沿线车站，由国铁运营，比方讲金山线。
票价
编辑除开咾早就开通个金山线，所有市域铁路侪执行0.45元/公里个票价。假使讲弗涉及帮地铁个换乘，箇么最低票价就是4块洋钿。