上海开埠

上海开埠，指个是发生拉1843年11月份，按照《中英南京条约》个条款，正式对外开放上海做指定通商口岸箇桩历史事件。开埠标志上海地区进入近代时期，也促进城市个发展。勒拉个往后个100年里向，上海从海边个县城变成功中国甚至远东顶大个一隻都会^[1]。

影响

1843年开始，从江苏省、浙江省、广东省、安徽省、山东省咾啥个地方跑过来个移民同其他海外移民一道构成新个上海人口，一道促进上海个发展。海派文化勒拉开埠以後慢慢交发展起来，成为上海中西文化交流碰撞个象征。