上海法租界
上海法租界（法文：la concession française de Shanghaï）是19世纪当中阶段到20世纪前半段，法国立在吴越个上海划分，建设个租界地域，由法国驻上海总领事同公董局董事会一淘管理。具体位置立在公共租界南面，西面挨牢乃朝上海华山路，东面挨牢老西门。法租界个核心地段是乃朝上海淮海路地区，也是上海顶顶有腔调个一个区域。
历史
编辑创立
编辑1847年法国七月王朝驻上海第一任领事敏体尼畀法国政府任命。1849年，法兰西第二共和国商人雷米勒拉英租界外头租到2.385亩土地。后些来，法租界勒拉拿到上海道台麟桂个同意后开辟法租界。租借范围南到护城河，北到洋泾浜，西到关帝庙诸家桥，东到广东潮州会馆沿河浜到洋泾浜东角，面积拢总约莫986亩[1]。
扩张
编辑1861年，法兰西第二帝国又用为咾开通沪法当中个航线需要租地造房子箇個借口，租脱小东门外个37亩地。1899年6月，法租界貤一趟扩张。新租界个区域北到北长浜（现在延安东路西段），西到顾家宅、关帝庙（现在重庆南路），南到打铁浜、晏公庙、丁公桥（现在自忠路，原西门路），东到城河浜，总面积增加到2135亩[1]。
19世纪60年代，法租界开始越界筑路。一开始伊造了条从上海县城西门到徐家汇个军路。1913年，伊个辰光个法兰西第三共和国公使康德向中国政府索求界外马路个警权，想又一趟扩充租界面积。袁世凯政权为仔拉拢西方，答应法租界个扩张要求，同法国签订关于法租界界外马路协定十一条。协定畀法租界当局勒拉越界筑路个区域行使警政同征税权，但条件是法租界当局要驱逐租界里向个革命党人士[1]。故咾，法租界当局个控制面积达到了15150亩。同时，租界当局也同意从中国人里向推选出2名绅董，参加法租界董事会。1925年，法租界扩展到安和寺路（现在新华路）同哥伦比亚路（现在新华路）[2]。
20世纪20年代，法租界已发展成上海首屈一指个住宅区[3]。特谓是1914年第二趟扩建个新法国租界，随咾需求个增长，法租界造仔交交关关豪华公寓楼同石库门住宅，满足越来越多个中国居民个需求。勒拉俄国革命后涌入个罗宋人个帮助下头，法租界个商业区也越来越有活力。
孤岛
编辑1937年淞沪会战里向，中国军队弗当心炸仔法租界两𡍲，死脱几百個人。日本军队勒拉法租界门口碰着法国指挥远东海军个副海军上将朱尔斯·勒·比戈特，伊坐拉马路中央个折叠椅上，挡拉日军个车子前头，同日军谈判。1937年12月4号，日本呒没武装个车队获准通过法租界。
终结
编辑日本军队呒没占领法租界。必过，1943年2月23号，法国维希政府宣布，同意放弃伊勒拉中国个租界。6月5号，汪精卫政权先收回天津法租界、汉口法租界同广州法租界。7月30号，汪精卫政权收回上海法租界，改称第八区；上海法租界宣告结束。战后个中、法政府勒拉1946年2月签个中法协约里向承认了租界归还畀中国个既成事实。