维基百科

上海虹橋國際機場

（从上海虹桥国际机场转戳到箇里）

上海虹橋國際機場（英文：Shanghai Hongqiao International Airport，IATA代碼：SHA；ICAO代碼：ZSSS），勒拉中國上海市長寧區、閔行區。運營中國大陸國內航線及部分港澳臺搭日韓等航線，大部分國際航線嚜，由上海另外一個機場——上海浦東國際機場負責。

機場勒上海个位置
從1號航站樓遙望2號航站樓
中國東方航空班機停靠T2航站樓
中國國際航空搭上海航空班機停靠T2航站樓

虹橋機場分爲一號航站樓搭二號航站樓，跑道勒兩個航站樓當中。一號航站樓爲老航站樓，勒拉長寧區；二號航站樓爲新航站樓，勒拉閔行區，大部分航空公司勒二號航站樓。2015年，虹橋國際機場旅客輸送量超3900萬人次，貨郵輸送量逾43萬噸位，儕位列中國大陸第六。[1]

歷史

编辑

虹橋機場始建於1921年3月，該年北洋政府航空事務處擬定京滬航空線時，始籌畫航線勒上海个機場。最初曾選址吳淞，後選中上海縣搭青浦縣个267畝土地作爲上海航空站。1921年3月10號機場動工，勒拉同年6月底完成。但因經費弗足，機場未能通航。1929年5月，交通部滬蓉航空管理處選定虹橋機場作爲上海航空站，同年7月開航，並於8月開通上海至南京航線。1934年4月再次征地擴建，1931-34年間爲歐亞航空公司樞紐機場。

 
1932年10月个上海虹橋機場，當時有得一大批人觀看準備起飛搭降落个飛機

1937年8月9號發生虹橋機場事件，是爲淞滬抗戰導火線之一。日軍佔領上海後，將虹橋機場作爲軍用機場使用並擴建跑道。日本投降後曾由中華民國空軍接管，後於1946年11月5號由中國航空公司接收，同年12月畀定爲國際入境機場。1947年8月行政院決定擔虹橋機場定爲民用機場。後直屬於交通部民用航空局。

1949年5月24號，中國人民解放軍佔領機場，後作爲軍用機場使用。1950年5月中共中央華東局開始進行虹橋機場重建工程。1963年11月國務院批准虹橋機場擴建爲國際民用機場，擴建工程勒1964年完工，隔手勒拉當年5月開通中國-巴基斯坦航線。1972年2月17號，空軍撤離虹橋機場。[2]

1984年3月，上海虹橋機場候機室工程再度擴建，同年9月30號擴建工程完工。擴建後个候機室，使用面積比老底子擴大了一倍。1988年，上海民航進行重大體制改革，實行政企分開，機場搭航空公司分營，上海虹橋機場從同年6月25號起成爲獨立个經濟實體。1988年12月，上海虹橋機場候機室第三趟擴建，於1991年12月26號完工。

勒上海浦東國際機場建成之前，虹橋機場一徑是中國大陸最繁忙个機場。機場擴建前，擁有跑道搭滑行道各一條，跑道（現第一跑道）長3400米、寬57.6米，停機坪約48.6萬平米，共有66個機位，候機室占地8.2萬平方米，擁有15個候機大廳、18個貴賓室搭15條行李傳輸系統。擴建後，第二跑道勒2010年3月11號、第二航站樓於同年3月16日建成啟用，[3] 但要記牢，兩隻航站樓之間弗直接連通，乘客勒兩個航站樓間往返需要借助短駁車、地鐵10號線或其他公交線路。

2006年開始，虹橋國際機場二號航站樓作爲虹橋交通樞紐計畫个一部分開始進行建設，工程按照計畫要求个2010年上海世界博覽會前建成个目標，末腳勒2010年3月16號完成並投入使用。[4]

2014年11月6號起，虹橋國際機場一號航站樓進行史上最大規模个改造，大約模勒2017年底完成改造。

交通

编辑

1号航站楼

编辑
 
虹桥1号航站楼站站台
 
1号航站楼个出租车候车区搭公交站台

轨道交通

编辑
主文章：虹桥1号航站楼站
  • 虹桥1号航站楼站垃拉1号航站楼南侧，有轨道交通10号线经过，站厅、路轨呈东西向排布。其中车站3号口离虹桥机场1号航站楼最近，但3号口没专用闸机供携带大件行李个乘客出入，携带大件行李乘客应从1号口出入。

地面公共交通

编辑
公交线路
  • 807路（虹桥机场1号航站楼—清涧新村）靠近1号航站楼国内达到3号门
  • 1207路（虹桥机场—上海动物园）
机场免费摆渡车
  • 虹桥机场航站楼摆渡车（虹桥机场1号航站楼——虹桥机场2号航站楼）

2号航站楼

编辑

虹桥机场2号航站楼垃拉虹桥综合交通枢纽内。虹桥综合交通枢纽是集合民航、铁路、地铁、巴士、长途巴士等交通工具为一体个综合交通枢纽。渠“面向全国，服务长三角”个目标让虹桥2号航站楼个接驳交通十分便利[5]。

轨道交通

编辑
主文章：虹桥2号航站楼站

虹桥2号航站楼站垃拉航站楼西侧个东交通中心个B1F搭B2F层，有2号线、10号线经过。2号线搭10号线各拉北南设有独立个站厅，互弗联通。2号线列车运行区间为徐泾东—广兰路—浦东国际机场。10号线列车个运行区间为虹桥火车站—新江湾城，往航中路站方向个乘客需拉龙溪路下车换乘往新江湾城—航中路方向个列车。

地面公共交通

编辑
机场免费摆渡车
  • 虹桥机场航站楼摆渡车（虹桥机场1号航站楼——虹桥机场2号航站楼）
虹桥枢纽东交通中心[6]
候车室 公交车 起点站 终点站
1号候车室 316路[7] 虹桥东交通中心 延安东路中山东一路
虹桥枢纽4路 虹桥枢纽东交通中心 紫竹科学园区
941路 虹桥枢纽东交通中心 上海火车站(南广场)
（经停虹桥机场1、2号航站楼）
2号候车室 虹桥枢纽9路[7] 虹桥枢纽东交通中心 嘉定客运中心
机场一线 虹桥枢纽东交通中心 浦东机场

參考文獻

编辑
  1. ↑ 2015年全國機場生產統計公報. 中國民用航空局.
  2. ↑ 上海通志 >> 第二十九卷交通運輸（下） >> 第三章航空運輸 >> 節. 原始文档勒2015-05-02存档. 访问日脚2016-10-07.
  3. ↑ 2號線明年3月16日通虹橋機場 將設網站連接京滬高鐵(原載《新聞晨報》) (zh). xwcb.eastday.com (2009-12-25). 原始文档勒2010-01-16存档. 访问日脚2009-12-25.
  4. ↑ 虹橋機場擴建工程內容調整環境影響第三次公示. 上海市環境熱線 (2007-09-19). 原始文档勒2011-03-02存档. 访问日脚2009-11-19.
  5. ↑ "面向全国，服务长三角：专访上海机场吴念祖". 民航资源网. 2010-03-15. 
  6. ↑ 刘武君（2015）．综合交通枢纽规划．上海科学技术出版社．ISBN 978-7-5478-1306-5． 
  7. ↑ 7.0 7.1 新浪网/东方早报： 申城六条公交线路今起驶入虹桥东交通中心

外部連結

编辑

參見

编辑
 
维基共享资源里向寻得着搭该篇文章搭界个多媒体资源：
取自“https://wuu.wikipedia.org/w/index.php?title=上海虹橋國際機場&oldid=326262”