上饶
中国江西省个地级市
（从上饶市转戳到箇里）
上饶市，简称饶，老早又被叫做“信州”，属于江西省。
历史沿革
编辑古代属于扬州，战国后归吴、越、楚等国。秦汉辰光隶属九江郡、豫章郡。唐朝贞元年开始有现在个上饶行政区域，个辰光叫做信州。宋代之后，分为广信、饶州、徽州三地。弗过迭三个地方文化邪气相近，现在又被称为新安江文化地区。
明清辰光上饶一直是饶州府。四九年后为“上饶地区”，2000年撤销“上饶地区”，设“上饶市”。
地理环境
编辑该处属于丘陵地带，东面、北面、南面侪有山环绕。西面对牢南方顶大个淡水湖—鄱阳湖。中部为信江盆地，周边山坡弗是老高，一般为200米左右。
气候特征
编辑气候温暖、潮湿。是典型个亚热带湿润气候。全年平均气温来勒17摄氏度上下。年均降水量为1600到1800毫米之间。
经济
编辑上饶个经济水平来勒江西属于中上水平，2012年，市人均生产总值19077元。按照传统看法，上饶是一个典型个农业地区，弗过近腔工业搭服务业也有相当大个发展。
文化
编辑上饶个文化属于吴越文化个一支，与上饶西部个江右文化有交关弗同。历史高头个原因让上饶搭现在浙江个金华、衢州、严州以及安徽个徽州拥有相当多个共同点。来勒方言、文化、习俗高头侪有体现。上饶东部搭上饶市区至今还是吴语区个一部分。