東坡肉
（从东坡肉转戳到箇里）
東坡肉，吳越杭帮菜名，是五花肉笃出来个。一般性是用一块二寸许个方正形夹心五花肉——一半油肉（壮肉）、一半腈肉——吃口软糯，味道浓厚弗腻，还带仔眼酒香，味道邪气崭。
来历传说
编辑昰道菜相传出自宋代蘇东坡个故事。苏轼弗单单是著名个文学家，还是一位精於烹饪个美食家。
相传元豐二年十二月（1080年），苏东坡畀贬在拉黄州个辰光，馬正卿為仔佢購着黃州城東廢地數十畝，築有東坡雪堂，在贫困个生活當中，仿制前人个做法改良，擔烧猪肉加老酒做成功红烧肉小火慢笃、笃成功，豬肉色澤紅潤，湯質稠濃，味道醇厚。蘇東坡有首《豬肉頌》：“洗凈鐺，少著水，柴頭罨煙燄不起。待他自熟莫催他，火候足時他自美。黃州好豬肉，價賤如泥土。貴者不肯食，貧者不解煮。早晨起來打兩碗，飽得自家君莫管。”[1][2]。昰道菜在黄州发起，后传至南宋首府杭州，发扬光大，遂成杭州名菜。由於是苏东坡改良成功个，个咾謳东坡肉。
另有一話，相传北宋元佑年间（约公元1090年），苏东坡任知杭州事，发动民众疏浚西湖。大功告成，为犒劳民工，吩咐家人擔百姓馈赠个猪肉，按照佢总结个经验“慢著火少著水，火候足时他自美”，烹制成佳肴，交酒一淘分送畀民工，家人误擔酒肉一淘烧，乃末肉味特別香醇可口。人们传颂东坡个为人，又擔昰独特风味个块肉命以东坡肉。经历代厨师个弗断总结發展，乃么公认成为仔杭州第一名菜。