东林党

东林党是明朝晏期（尤其是天启、崇祯年）在江南活跃个一只结社组织。只组织个大部分人物是江南地区个读书人。渠场多数拥有丰厚个家庭背景，饱读诗书，希望通过结社个方式满足自家个家庭利益搭政治诉求。东林党直接影响著明帝国末期个历史走向。

得名

公元1604年（万历三十两年），吴越退休官僚顾宪成在无锡创办东林书院。因为渠自家个声望，迅速聚集一帮人，担高攀龙、钱一本等江南士绅中有影响力个人物网络起来，在书院里向讲学。因为观点激进，常庄批评政府，树立著交关敌人。慢慢然开始人家称渠叫东林党。