东汉末年

东汉末年（东汉中平元年－建安廿五年，184年－220年）指东汉亡国前夕，一直到曹丕篡汉或者三国鼎立（东吴孙权于229年称帝）结束个辰光。箇个36年（以东吴建国计为45年）军阀割据，彼此混战。

东汉末年，由于土地兼併越加尖锐，地主豪强拥有自家个私人武力，加上著中央政府政治黑暗，皇权虚弱无力，对地方过度放权，因而造成群雄割据个局面。而箇些割据势力又有著不同个兴起过程搭发展脉络，反映出还个动乱时代个多元面向。

184年汉灵帝时期，张角三兄弟发动黄巾之乱。虽然起义大军个主力只坚持著一年就镇压脱了，但是黄巾余部此起彼伏。188年，灵帝接受太常刘焉个建议，拿部份刺史改为州牧，由宗室或重臣担任。本生刺史部只是监察区，全国还是郡－县两级制，难变成州－郡－县三级制。州牧除脱监察，还有地方军、政大权，以便有效进剿黄巾余部。后首一眼州牧先后变成功割据个军阀。