东野圭吾（ひがしの けいご）是日本鼎鼎有名个推理小说家，1958年2月4号出生勒间日本大阪。伊从大阪府立大学电气工学专业毕业，随后勒拉公司里向担任生产技术工程师，并同时开始推理小说个创作。1985年，作品《放学后》获得第31届江户川乱步奖之后出道正式开始写作。早期辰光，作品大多数侪是中规中矩外加精巧细致个本格推理。后首来，伊个作品逐步逐步突破传统推理小说个框架，文笔越加老练。伊个作品，《放学后》《秘密》《白夜行》《单恋》《信》《嫌疑人X的献身》上市之后侪老吃香个，深受大家个欢喜。其中，《白夜行》《嫌疑人X的献身》等作品畀拍成电影。
