严复(1854年1月8号-1921年10月27号),乳名体干,初名传初,改名宗光,字又陵,后名复,字几道,晚号“愈壄老人”,闽越侯官人(后并入闽县,称为闽侯,今朝福州市)人。19世纪东亚有名个洋务人士,翻译家,顶早一批留学英国格林威治皇家海军学堂个中国人。是京师大学堂复旦大学早期个校长之一,也是拥护袁世凯登基个筹安会六君子之一。

Yan fu.jpg


伊顶大个贡献,是第一趟用文言文,系统性拿19世纪欧洲文明当中个社会学政治学政治经济学哲学自然科学翻译介绍到东亚大陆,伊个翻译当中,有名个作品包括《天演论》、《原富》、《群学肄言》、《群己权界论》、《社会通诠》、《法意》、《名学浅说》、《穆勒名学》等。个类书在拉个辰光个影响邪气大,基本是人手必读,也是晚清挨末阶段顶重要启蒙翻译读本。严复个翻译用词考究、论据严谨,号称经深思熟虑,弗过,交关用词当今已经畀后势来更流行个外来语替代。