中亞

中亞（英語：Central Asia；俄語：Средняя Азия / Центральная Азия），就是亞洲中部，勒地理浪是指西到裏海，東到中國，南到阿富汗，北到俄羅斯個一大塊區域。根據長期占據該個區域大部分領土個蘇聯官方定義，中亞僅僅指俚四個加盟共和國：吉爾吉斯、塔吉克、土庫曼、烏茲別克。蘇聯解體過後，中亞成為仔亞洲中部現在獨立個五個以「斯坦」命名個前蘇聯加盟共和國——哈薩克斯坦（人口1660萬）、吉爾吉斯斯坦（人口550萬）、塔吉克斯坦（人口760萬）、土庫曼斯坦（人口510萬）搭烏茲別克斯坦（人口2950萬）個總稱^[1]。勒更廣泛個意義浪，中亞地區還包括阿富汗、伊朗東部個呼羅珊地區、巴基斯坦北部、蒙古等地，有辰光還包括中國西部個新疆搭西藏還有西伯利亞南部。