中国东方航空5735号班机空难

中国东方航空5735号班机空难，官方名称是“3·21”东航MU5735航空器飞行事故 ，貤叫3·21东航客机事故、东航“3·21”坠机事故或梧州空难 、藤县空难 ，是勒拉北京辰光2022年3月21号下昼发生个一起中国客机坠毁事故。失事飞机是由中国东方航空云南有限公司执飞个波音737-800型客机，编号B-1791，从昆明望广州飞，航班号是MU5735 （ IATA ）或者CES5735 （ ICAO ）。飞机快速俯冲并失脱音讯，后手来当日14点22分左右发现伊落勒拉广西壮族自治区梧州市藤县埌南镇莫埌村个一座山林当中。

5735号班机飞行路线

失事客机上向拢总有得123名趁客搭仔9名机组人倌 。勒拉3月26号夜里，连续几日搜救下来仔总算确认，东方航空公司MU5735航班上向人员侪部故脱；3月28号早上向9点多钟，阿末一名趁客个身份得着仔确认 。飞机上个两部飞行记录仪（也就是黑匣子）侪寻着哉 。事故个具体原因还弗曾调查清爽。