中国同盟会

中国同盟会（通常被叫做同盟会），或者中國革命同盟會，是20世纪初，由来自满洲帝国个各个反清朝组织，包括：兴中会、华兴会、光复会合并形成个泛会党组织，1905年来勒東京成立。伊拉个组织主要是老早孙中山个華人社區搭会党组织，以及黄兴、章太炎为代表个日本留学生搭知识分子组成。从成立开始，伊拉就想通过起義活动推翻清朝，1911年爆发个武昌起义就是间接来自同盟会个下属组织。同盟会是辛亥革命个直接促进因素。

中國同盟會证书

派系

同盟会并弗是一个现代意义高头个政党组织，带有传统色彩浓厚个会党性质。里向各个省份个群体相互之间并弗是邪气融洽。来勒理念搭现实个交关问题高头也没啥共识。同盟会主要由来自南粤个孙中山、来自湖湘个宋教仁搭黄兴、以及来自吴越个章太炎等人领导，因为各种原因，从1906年之后，内部就持续發生內爭，包括個人衝突、理論弗同搭革命方略个歧見，来勒一連串武裝起义的失敗后，更增加了內爭个激烈性。辛亥革命後，同盟会改組為國民黨，成為之後个中華革命黨搭中国国民党个前身。