中秋节

中秋节东亚民间个一个传统节日,在拉每年农历八月十五号。中秋节弗单单是华人个节庆,也是日本越南韩国朝鲜个传统佳节。此外,伊朗人也过中秋节。

Moon over cumulus.jpg

照中国农历来讲,农历八月是秋天头个第二个月,老古辰光叫仲秋,乃么民间也叫中秋,又叫秋夕八月节八月半月夕月节;外加迭个一日夜里月亮顶圆,象征团圆,个咾也叫团圆节

起源编辑

中秋箇个词,顶早记在拉《周礼》里,《礼记•月令》里讲:“仲秋之月养衰老,行糜粥饮食。”尚况弗曾讲明白是八月何里一日。

唐朝之后,中秋节变成功固定个日脚。传讲杨贵妃梦游到月宫,得着霓裳羽衣曲,民间再开始过中秋节。一般性认为,中秋节宋朝辰光开始作兴,到仔辰光,中秋节已经是中国一大传统节庆哉。

中秋节个传说里向,嫦娥飞月顶顶有名。

嫦娥飞月编辑

嫦娥飞月在拉民间有蛮多版本,下向讲一个:

传讲在拉远古辰光,天上向有十只太阳。大力士后羿拿九只太阳射落来,第十只太阳𢞕起来,听讲险,照钟头上山落山,造福老百姓。

后手来,后羿寻嫦娥做娘子。

一日,后羿得着一包弗死药,讲只要弗死药吃落去,便会得变成功神仙。后羿转去仔便拿弗死药交畀仔嫦娥。

啥人晓得后羿拉徒弟蓬蒙想偷吃话咾,渠趁后羿到外头去,偷畔爬进嫦娥个间里,支牢渠交出弗死药。嫦娥弗情愿,弗死药吃落去,乃么就变成功仔仙女,一脚飞在拉月宫(月亮)里向去哉。

过节习俗编辑

 
香港维多利亚公园花灯。(2005年)
  • 赏月。
  • 月饼
  • 孛相灯笼
  • 桂花,吃桂花制成个各种食品,主要是糕点、糖果。
  • 斋月亮,拜祭太阴娘娘
  • 送礼畀亲眷朋友也是韩国人过中秋节个习俗。渠搭也拿中秋节叫 “韩国人个感恩节”。

宁波、台州、温州地区个八月十六编辑

浙江东个宁波台州温州人,过古历八月十六,算大月节头,要做羹饭畀过脱个屋里人吃。

韩国个中秋节编辑

韩国人个放假表浪拿“秋夕”个英文翻译成 Thanksgiving Day,因为秋夕在拉韩国是一只大节,会得连牢仔放三日假。老早交通弗发达个辰光,民间会得利用迭段辰光回乡探亲。乃至今朝,每碰着秋夕,之前个一个号头,韩国各大公司侪会得大削价,来吸引老百姓买礼物互相赠送。

越南个中秋节编辑

越南人阴历八月半过中秋节,称为Tết Trung Thu(节中秋。“”为喃字,“中秋”是汉越音) 。当日夜来,小人要听关于阿贵个传说。越南小倌在拉中秋夜来侪要拎仔鲤鱼灯出去孛相,预示大仔“跳龙门”个意思。

日本个中秋节编辑

日本传统个中秋节十五夜,也叫中秋明月芋明月栗明月。现代日本人,已经弗过中秋节哉。迭个一日大家好弗做生活,在拉屋里向啤酒吃吃,弗赏月,反倒是看看电视。因为传统文化个衰退,年纪轻个人侪弗晓得节个来头搭仔意义,听见过节,只晓得个日班弗需要得上哉。

伊朗个中秋节编辑

伊朗个中秋节,名字叫做Mehregān(波斯文: 或Jašn-e Mehr Mithra Festival)节,是琐罗亚斯德教个经典节日,目的是感谢yazata密特拉(波斯语:Mehr ),象征爱情、友好、光明之意。月份在拉秋季个伊朗历7月份,相当于公历10月横里(塔吉克斯坦勒每年10月8号庆祝)。Mehrgān节在拉波斯帝国辰光是隆重庆祝。伊歇辰光,国王经常带领举行盛大仪式。后手来,在拉伊斯兰早期个伊朗,Mehrgān搭新年诺鲁孜节一样并重举行。直到蒙古人入侵伊朗之后,Mehrgān盛宴再失去人气。 乃朝,只有Yazd和Kermān个琐罗亚斯德教徒继续以奢侈方式庆祝Mehrgān节。另外,有一些旅居海外个伊朗人也会举行Mehregān节庆祝仪式。

中秋诗词编辑

交关古代诗人写着歌颂中秋节个诗词。

宋朝苏轼写个——《水调歌头•明月几时有》顶顶有名哉:

明月几时有?把酒问青天。不知天上宫阙,今夕是何年。我欲乘风归去,又恐琼楼玉宇,高处不胜寒。起舞弄清影,何似在人间! 转朱阁,低绮户,照无眠。不应有恨,何事长向别时圆?人有悲欢离合,月有阴晴圆缺,此事古难全。但愿人长久,千里共婵娟。

参考文献编辑

  1. 林之光,中秋个赏月天气,科技日报,2000-9-9(4)。


外部链接编辑

维基共享资源里向寻得着搭该篇文章搭界个多媒体资源: