中秋节
中秋节是东亚民间个一个传统节日,勒拉每年农历八月十五号。中秋节弗光光是华人个节庆,也是日本、越南、韩国搭朝鲜个传统佳节。
照中国农历来讲,农历八月是秋天头个第二个月,老古辰光叫仲秋,个咾民间叫渠中秋,又叫秋夕、八月节、八月半、月夕、月节,外加搿日天月亮顶顶圆,象征团圆,所以又叫团圆节。
起源编辑
中秋箇个词,顶早记勒《周礼》里,《礼记•月令》里讲:“仲秋之月养衰老,行糜粥饮食。”尚况朆讲明白是八月哪日。
唐朝之后,中秋节变固定个日节头。传讲杨贵妃梦游到月宫,得着霓裳羽衣曲,民间再开始过中秋节。一般性认为,中秋节宋朝辰光开始作兴,到仔明清辰光,中秋节已经是中国一大传统节庆哉。
中秋节个传说里向,嫦娥飞月顶顶有名。
嫦娥飞月编辑
嫦娥飞月勒民间有蛮多版本,下向讲一个:
传讲勒拉远古辰光,天浪向有十个太阳。大力士后羿畀九个太阳射落来,第十个太阳𢞕起来,听讲险,照钟头上山落山,造福老百姓。
后首来,后羿寻嫦娥做娘子。
一日,后羿得着一包不死药,讲只要畀不死药吃落去,便会得做神仙。后羿转去仔便畀不死药交畀嫦娥。
何里晓得,后羿个徒弟蓬蒙想偷吃,渠趁后羿到外头去,偷畔爬进嫦娥个间里,逼渠畀不死药交出来。嫦娥不肯,便畀不死药吃落去,个咾就变成仔仙女,一脚飞到月宫(月亮)里向。
过节习俗编辑
宁波、台州、温州地区个八月十六编辑
韩国个中秋节编辑
韩国人个放假表浪拿“秋夕”个英文翻译成 Thanksgiving Day,因为秋夕勒拉韩国是一个大节,会得连甩放三日天假。老早交通弗发达个辰光,民间会得利用搿段辰光回乡探亲。乃至今朝,每碰着秋夕,之前个一个号头,韩国各大公司侪会得大削价,来吸引老百姓买礼物互相赠送。
越南个中秋节编辑
越南人阴历八月半过中秋节,称为Tết Trung Thu(节中秋。“节”为喃字,“中秋”是汉越音) 。当日夜来,小人要听关于阿贵个传说。越南小倌勒中秋夜来侪要拎仔鲤鱼灯出去孛相,预示大仔“跳龙门”个意思。
日本个中秋节编辑
日本传统个中秋节十五夜,也叫中秋明月、芋明月、栗明月。现代日本人,已经弗过中秋节哉。搿日大家可以覅工作,勒屋里向吃吃啤酒,弗看月亮看电视。因为传统文化个衰退,年纪轻个人侪弗晓得节个来头搭仔意义,听见过节,只晓得搿日覅去上班哉。
中秋诗词编辑
交关古代诗人写着歌颂中秋节个诗词。
明月几时有?把酒问青天。不知天上宫阙,今夕是何年。我欲乘风归去,又恐琼楼玉宇,高处不胜寒。起舞弄清影,何似在人间! 转朱阁,低绮户,照无眠。不应有恨,何事长向别时圆?人有悲欢离合,月有阴晴圆缺,此事古难全。但愿人长久,千里共婵娟。
参考文献编辑
- 林之光,中秋个赏月天气,科技日报,2000-9-9(4)。