丼物
丼物（日文：丼物／どんぶりもの Donburimono），简称丼，是对盖浇饭一类个日本料理个通称，通常是米饭高头盖浪鱼肉、肉类、蔬菜或者其他炖个菜，通常会依照碗里向个食物名称命名，叫伊“某某丼”。勒拉日本，丼物是一种相当常见个大众料理，各家大型日式快餐店侪有得卖。根据弗同季节、配料、地区同主要推广食材，丼物往往有弗同个味道，但绝大多数侪是靠水、糖、酱油同味醂来调味道个[1]。
历史 编辑
日文里向，“丼”箇个字并弗是和制汉字，而是从中国传过去个，一开始用来形容石头落拉井里向个声音[2]。日本料理里向，丼物历史长远，一开始是室町时代个“芳饭”（类似茶泡饭）。早期个丼物有江户时代末期发明个深川丼，还有约莫19世纪初开始流行个鳗鱼丼等。因为丼物好让人勒拉忙个时候便利快速个喫饭，故咾伊咾快就传播开来、弗断发展同创新。
