乔家栅

乔家栅食府是上海顶顶有名个一家经营吴越风味小吃搭小菜个门店。

名店古今

迭家老店来勒清末宣统元年（1909年）开张，伊个其前身是永茂昌汤团店，之后，先后来勒上海老城厢个乔家路、馆驿街、旧校场路地头开分店。

1937年，因为躲避日本军队，从老城厢搬迁到陕西南路（淮海中路口），拿名字改成功“乔家栅移址永茂昌”；

1938年迁到西门路86号；

1939年又拿名字改成“乔家栅永茂昌”；

1940年，迁址到襄阳南路336号，从此，拿名字定为“乔家栅食府”。

特色搭现状

该店个特色是吴越菜肴搭江南传统糕点，伊拉个总店有400多平方米，提供饭菜搭特色堂吃个点心。乔家栅下头个食品厂有6000多平方米厂房，生产传统糕团、速冻点心等，来勒上海市，有连锁经营网点60多家。