九龍半島
九龍半島是香港市區一隻向南延伸个半島，三面畀維多利亞港包圍。原本半島大部份儕是山地，不過經過百多年个填海，乃歇海邊儕是平地。半島以界限街爲分界，即是根據由宋皇臺到深水埗搭仔大角嘴半島交界拉一條直線做分界。
歷史
编辑大清因爲打弗過英國，1860年就割仔九龍半島畀英國，就畀界限街分開成兩部份，北面是大清个九龍，以九龍砦城爲中心；南面个九龍半島是英治九龍，英國就立法擔半島伊部份叫成功九龍（Kowloon）。後首來，1898年英國又趁法國租廣州灣，以安全爲由問大清租仔新界，乃末九龍又可以併垃一淘。新得个九龍部份，法律丄就謳新九龍（New Kowloon）。不過無論九龍搭新九龍，行政上都當是九龍市區，老少會分開來講。
地理
编辑九龍半島，弗計填地，都是丘陵咾啥。南面是尖沙嘴，個尖指向香港島。東南有紅磡灣，東面是九龍灣，西面就由尖沙嘴到旺角嘴像煞一條較爲直个海岸。未填之前，西北面大角嘴是一個搭九龍半島平行个小半島。