云岭西路隧道

云岭西路隧道，貤是云岭西路过苏州河通道工程个隧道部分，是上海市长宁区、普陀区规划中个一条过苏州河个隧道，两面分别连接普陀区个云岭西路搭仔长宁区个临虹路。

箇条跨河通道个规划最早好追溯到2012年3月份，伊个辰光箇面计划造个是座桥，但是呒没实施下来，直到2017年以机动车专用隧道、泾阳路建设行人搭仔非机动车桥梁方案获批预可，到2023年年底还来勒工程可行性研究阶段。

云岭西路隧道贴隔壁就是苏州河深隧苗圃工作井，全线同深隧二级雨水管道并行，目前还来勒选择明挖平铺、明挖叠层、沉管、圆形盾构、矩形盾构单层、矩形盾构双层咾啥个多种挖掘方案。