维基百科

互聯網

大量數據交換所

互聯網（英语：Internet），是網絡交網絡之間所串連成个龐大網絡，昰些網絡以一組標準个網絡TCP/IP協議族相連，鏈接全世界幾十億隻設備，形成邏輯丄个單一巨大國際網絡。該是一個網絡个網絡[1]，渠是由從地方到全球範圍裏向幾百萬個私人个、學術界个、企業个搭政府个網絡所構成，通過電子，無線搭光纖網絡技術咾啥一系列廣泛个技術聯繫垃一淘。昰種擔電腦網絡互相聯接垃一淘个方法叫成功「網絡互聯」，垃箇基礎丄發展出覆蓋全世界个全球性互聯網絡稱互聯網，即是互相連接一淘个網絡。互聯網並弗等同萬維網（WWW），萬維網衹不過一個基於超文字相互鏈接而成个全球性系統，外加是互聯網所能提供个服務裏向个其中之一。互聯網帶有範圍廣泛个資訊資源搭服務，譬如相互關聯个超文字檔，還有萬維網个應用，支持電子郵件个基礎設施，對等網絡，檔共用，以及IP電話服務。

歷史

编辑

垃1950年代，通信研究者認識到需要允許垃弗同電腦使用者搭通信網絡之間進行常規个通信。昰個促使爻分散網絡、排隊論搭封包交換个研究。1960年，美國國防部高等研究計畫署（ARPA）出於冷戰考慮建立个ARPA網引發了技術進步並使其成爲互聯網發展个中心。1973年，ARPA網擴展成互聯網，第一批接入个有英國搭挪威个[計算機]]。

1974年，ARPA个羅伯特·卡恩搭斯坦福个溫登·澤夫提出來TCP/IP協議，定義仔垃電腦網絡之間傳送報文个方法（佢場垃2004年也因此獲得圖靈獎[2][3]）。1983年1月1日，ARPA網擔其網絡核心協定由NCP改變爲TCP/IP協定。

1986年，美國國家科學基金會建立爻大學之間互聯个骨幹網絡NSFNET，箇是互聯網歷史丄重要个一步。垃1994年，NSFNET轉爲商業運營。1995年隨著網絡開放畀商業，網際網絡當中成功接入个比較重要个其他網絡包括Usenet、Bitnet搭多種商用X.25網絡。

 
東亞及東南亞（中國各地區細化）歷年來个網絡擴散 1995-2012

1990年代，整個網絡向公眾開放。1991年8月，蒂姆·伯納斯-李垃瑞士歐洲核子研究組織建立了HTML、HTTP搭最初幾隻網頁之後兩年，佢開始宣揚其萬維網專案。

1993年，Mosaic網頁瀏覽器問世哉，在1994年晚期，公共利益垃前學術搭技術个互聯網丄穩步增長。1996年，“Internet”（互聯網）一詞畀廣泛个流傳，不過是指幾乎整個个萬維網。

伊歇，經過一個十年，互聯網成功地容納仔原有个電腦網絡中个大多數（儘管像FidoNet个一排網絡仍然保持獨立）。昰個快速發展要歸功於互聯網嘸沒中央控制，以及網際網絡協議非私有个特質，前者造成爻網際網絡有機个生長，而後者嚜鼓勵爻廠家之間个相容，並防止了某一個公司垃網際網絡丄稱霸。

網際網絡个成功，可從“Internet”昰個術語个大、小寫分化好窺知一二。最初，互聯網隻詞代表伊排使用IP協定架設而成个網絡，乃朝咾，渠已引申泛指各種類型个網絡，弗再侷限於IP網絡。乃末以小寫个互聯網（internet，開頭个「i」是小寫字母）爲任何分離个實體網絡之集合，昰些網絡以一組通用个協定相連，形成邏輯丄个單一網絡。而大寫个互聯網（Internet，開頭个「I」是大寫字母）專指前身爲ARPA網，後使用IP協定擔各種實體網絡連結成功此單一邏輯網絡。大寫个互聯網是小寫互聯網个其中一種形式，反轉來卻弗然。2002年起，有學者開始提議擔“internet”一詞用小寫表示，理由是互聯網已經成爲人類生活个一部分，失去脫專有个意義[4]；2016年，美聯社認爲“互聯網”已搭“電話”一樣成爲一樣一般个物事，弗具有專屬商標个意義，乃末開始垃其格式手冊裏向規定“internet”搭“web”一詞全部小寫，紐約時報乃末也跟進，[5][6]但同時亦有媒體提出弗同意見[7]。

網際網絡技術搭協議

编辑
 
2006年4月統計个網際網絡用戶數量

網際網絡相關協議

编辑

有關網際網絡个協議可以分爲3層：

  • 最底層个是IP協定（英语：Internet Protocol，即互聯網協定），是用垃報文切換式網絡个一種面向資料个協定，昰隻協定定義爻資料包垃網際傳送辰光个格式。目前使用頂多个是IPv4版本，昰隻版本裏向用32位定義IP地址，儘管位址總數達到43億，但是仍然弗能滿足乃朝全球網絡飛速發展个需求，噶咾IPv6版本應運而生。垃IPv6版本中，IP位址共有128位，“幾乎可以爲地球丄每一粒沙分配一隻IPv6位址”。IPv6目前朆普及，交關網際網絡服務提供者並弗支援IPv6協定个連接。但是，可以預見，將來垃IPv6个幫助下頭，任何家用電器儕有可能連入網際網絡。
  • 上一層是UDP協議搭TCP協定，渠場用垃控制資料流程个傳輸。UDP是一種弗可靠个資料流程傳輸協定，僅爲網絡層搭應用層之間提供簡單个介面。而TCP協議咾有得高个可靠性，通過爲資料包加入額外資訊，並提供重發機制，渠能夠保證資料弗丟包、嘸沒冗余包以及保證資料包个順序。對於一排需要高可靠性个應用，可以選擇TCP協議；而相反，對於性能優先考慮个應用如流媒體咾啥嚜，可以選擇UDP協議。
  • 最頂層个是一些應用層協定，昰些協定定義了一些用於通用應用个資料包結構，其中包括：
    • DNS：功能變數名稱服務；
    • FTP：服務使用个是檔案傳輸通訊協定；
    • HTTP：所有个Web頁面服務儕是使用个超文字傳輸協定；
    • POP3：郵局協議；
    • SMTP：簡單郵件傳輸協議；
    • Telnet：遠程登陸等。

接入技術

编辑

網絡連接技術（Internet接入技術）是用戶與網際網絡間連接方式搭結構个總稱。任何需要使用網際網絡个電腦必須通過某種方式搭網際網絡進行連接。網際網絡接入技術个發展邪氣迅速：頻寬由最初个14.4Kbps發展到目前个100Mbps甚至1Gbps頻寬；接入方式也由過去單一个電話撥號方式，發展成功現在多樣个有線搭無線接入方式；接入終端也開始朝向移動設備發展。並且更新更快个接入方式垃拉繼續研究搭開發。

根據接入後資料傳輸个速度，Internet个接入方式可分爲寬頻接入搭窄頻接入。

常見民用寬頻接入：

  • ADSL（非對稱數碼用戶線路）接入，速度可以達到下載最高12Mbps，上傳最高1Mbps
  • VDSL（超高速數位用戶線路）接入，速度可以達到下載最高100Mbps，上傳最高100Mbps
  • 光纖接入，接入頻寬10-100-1000Mbps（常用）
  • 無線（使用IEEE 802.11協定或使用3G技術）寬頻接入，1.5Mbps－540Mbps
  • 電力線通信接入，主幹速度可以達到數百兆，最終用戶速度可以達到11Mbps
  • 有線電視上網（通過有線電視網絡）接入，接入頻寬3-34Mbps
  • 人造衛星寬頻接入
  • 4G

常見民用窄頻接入：

互聯網市場

编辑

消費者互聯網市場主要是指互聯網丄个服務是直接服務於消費者个，譬如，Google，Facebook，搭相關互聯網社交，遊戲，娛樂領域。

產業互聯網市場主要是指傳統產業利用互聯網个能力來改造內部生產流程，提高生產率，轉型个一個現代化个企業形態。

網絡應用技術

编辑

網絡應用技術在此指稱所有搭網絡應用相關个技術。隨著網際網絡个弗斷發展，網絡應用个多樣化，以及硬件設施个飛速發展，網絡應用技術也向著更多樣、更複雜个方向發展。網絡應用技術可能可以概括成功以下昰排技術，箇概括可能並弗準確，其主要目个在於羅列與網絡應用相關个技術。

 
21世紀家用光纖網絡數據機
  • Web技術

Web技術是頂常用个網絡應用技術，渠是使用者向服務器提交請求並獲得網頁頁面个技術總稱。昰個技術可以分爲兩個發展階段，俗稱Web1.0搭Web2.0。第一階段多是屬於一些靜態應用，譬如獲取HTML頁面，或者與服務進行簡單个交互，像使用者登錄，查詢資料庫，提交資料等（昰些應用也畀稱爲Web1.5）。第二階段更強調使用者與網絡服務器之間个互動性，甚至於網絡應用程序。事實丄，Web2.0並弗是一個技術標準，渠可能使用已有个成熟技術，也可能使用最新个技術，但必須彰顯互動概念。

互聯網安全

编辑

經過多年个發展，互聯網已經垃社會个各個層面爲全人類提供爻便利。電子郵件、即時消息、視訊會議，網絡日誌（blog）、網上購物等已經成爲越來越多人个一種生活方式；而基於B2B，B2C等平臺个電子商務，跨越洲際个商務會談以及電子政務咾啥爲商業與政府辦公創造要更加安全，更加快捷个環境。但是隨之而來个弗全是正面个影響，垃圾郵件、網絡蠕蟲病毒、惡意程序碼、惡意軟件咾啥也影響著大家个正常生活。

病毒

编辑

互聯網畀電腦病毒傳播提供仔邪氣快速迅捷个通道，病毒个破壞能力也因爲網絡个四通八達大大个加強。最近幾年，全球多家公司蒙受巨額經濟損失搭上億臺電腦丟失資料。電腦病毒比上個世紀更加具有僞裝性搭感染能力，而且從被動傳播向主動進攻轉化。渠場甚至具有仔部分人工智慧，可以判斷目个電腦是否已經感染，是否有防病毒監控程序，甚至可以主動終止昰眼監控進程。

惡意程序碼

编辑

惡意程序碼是嵌入到網頁个腳本，一般使用JavaScript編寫，受影響个包括微軟視窗系統个Internet Explorer流覽器。渠場垃未經流覽者同意个情況下頭自動打開廣告，開啟新頁面，嚴重影響流覽者个正常訪問。除此之外，渠場還通過系統調用修改流覽器个默認主頁，修改註冊表，添加系統啟動程序，設置監視進程等。但是流覽器發展至今，惡意網頁帶來个危害已經有仔極大改觀。大多數个現代流覽器儕有得交關好个安全性，譬如：Google Chrome、Mozilla Firefox、Microsoft Edge等。

惡意程序

编辑

惡意程序是從惡意程序碼發展出來个一種基於外掛程序技術个電腦程序，弗同个是渠場可能根本弗需要可執行檔，衹需要若干个動態連結程序庫檔（檔尾碼是dll）就可以借助Windows系統正常工作。

昰排程序可能是使用者無意識安裝到系統中，也可能是自動被安裝个。它被安裝到系統中，隨作業系統啟動，一般昰類程序除了工作進程還會有守護進程，如果發現主進程被刪除或者重命名，守護進程會自動生成一份新个拷貝，所以很難卸載，即使表面上卸載掉了，下一次系統啟動時還會重新出現。

惡意程序從表現上看弗算是病毒，因爲它並嘸沒破壞性，弗會危及系統，衹不過出於商業目个，屬於商業行爲。但是它嚴重影響了電腦使用者个使用，而且如果編寫弗當很容易導致系統運行變慢、性能下降，甚至給駭客留下後門。所以大部分殺毒軟件把佢場當成病毒處理。

網絡文化

编辑

互聯網普及率

编辑
 
2012夏季達沃斯論壇展示網絡个力量

截至2011年，互聯網普及率最高个國家或城市爲冰島（97.8%）；第二至第五位分別是挪威（97.2%）、瑞典（92.9%），福克蘭群島（92.4%）及盧森堡（91.4%）。[8]

2006年个辰光，經濟合作發展組織調查顯示截至2005年底，寬頻上網（Broadband）普及率个前五名分別爲冰島（26.7%）、韓國（25.4%）、荷蘭（25.3%）、丹麥（25.0%），以及瑞士（23.1%）。而美國垃所有工業化國家中排名第12。

網絡文化

编辑

網絡文化是指在網絡丄發展出來个特有文化及行爲。

  • 因網絡發展而產生个新行爲：
    • 瀏覽網站
    • 即時通訊：能擔訊息隔手傳到另一方个技術。
    • 駭客：對電腦科學、程序設計搭設計方面具高度理解个人。
    • 破解者（cracker）：破壞或癱瘓網站爲樂个人。
    • 快閃族：利用垃網絡丄張貼消息而使一群人垃特定辰光垃特定地點作出特定个動作，大多數个快閃活動是嘸沒實質丄个意義。
    • 網絡遊戲農夫（某種程度上个職業玩家）：以出售線上遊戲中个特定物品（金幣、特殊物品）來賺鈔票个人。
  • 因網絡應用而產生个新用字行爲：
    • 注音文：爲仔快速打字而發展出來个特殊用字習慣，常以注音符號个子音部份來代替本字，此文體流行於臺灣个網絡論壇、網絡聊天室及電子佈告欄丄。
    • 顏文字：利用文字來組成圖形以表達心情等。常見例子有得：囧、XD、︰)、Orz
    • 火星文：主要以注音文及英文字母个發音來代替中文字以達到特殊个閱讀效果，但通常會造成閱讀上个困難，此文體亦流行垃臺灣个網絡論壇、聊天室、BBS咾啥戶蕩。
    • 縮寫：以英文爲母語个網絡使用者常利用字母來代表一段文字以節省打字辰光。譬如：OMG=oh my god、BTW＝by the way、FYI＝for your information。

網絡封鎖

编辑

網絡封鎖是指個別政府或者機構出於政治或者經濟个原因，通過技術手段限制對某排網站或者服務个訪問。

譬如垃一爿公司裏向，爲仔防止員工在上班辰光訪問網站或使用像騰訊QQ、Skype等軟件進行聊天而導致勞動效率大幅度下降，公司个網絡系統管理員常莊會使用硬件防火牆封閉來自目標服務器个80端口服務或僅封鎖部分網絡通訊協定（像UDP），昰然幾乎所有个Web服務儕會癱瘓或部分網絡聊天工具弗能畀正常連線，公司个員工就弗能垃上班辰光訪問WEB頁面或僅可以訪問WEB頁面但弗能使用聊天軟件。一方面降低公司互聯網接入个流量，另一方面可以讓員工安心工作。

垃某排國家，像中華人民共和國、沙特阿拉伯政府認爲有些敏感資訊（政治、宗教咾啥）弗能散佈到國內民眾中，噶咾昰排國家政府利用資訊技術過濾、封鎖脫一些包含敏感資訊个國內、國外網站，以防止民眾訪問到昰排網站[9]。然而個別國家，像朝鮮咾，完全禁止普通民眾訪問境外網站，民眾衹能訪問國內由政府開設个網站[10]。

主要技術搭形式

编辑
  • 端口封鎖、IP封鎖
  • DNS域名劫持
  • 關鍵字報文過濾
  • 流量監控
  • 訪問策略

主要對策

编辑
  • 代理服務器（借助國外主機轉發資料）
  • 資料加密（借助加密軟件）
  • 使用安全連接（VPN或者HTTPS）
  • 分散式訪問

網絡內容審查

编辑

網絡內容審查是一種對網絡承載个內容進行審查，並對部分內容進行過濾、刪除、關閉等行爲，內容審查常莊伴隨爻對相關人員與組織个行政處理。網絡審查主要針對危害國家安全、侵犯版權與個人隱私、通過網絡進行違法活動以及對弗道德个行爲進行宣傳搭教唆等行爲。交關國家儕有得相關立法，並且在政府設有相關部門進行監控搭管理。垃中國，公安部門、國安部門及新聞宣傳等部門聯合承擔相關行政權責，並輔以防火長城等技術手段對網絡活動進行嚴密監控。然而對網絡內容个審查垃一定程度丄限制了言論个自由，在何種程度上、採取何種手段進行網絡審查一徑是爭議个話題。垃美國，由美國國家安全局（NSA）爲首自2007年起開始實施个最高機密等級電子監聽計劃，該計畫可監聽美國本土以外个使用者、或任何與國外通訊个美國公民。參與此計畫个前中情局（CIA）特工斯諾登在2013年5月擔檔案複製後前往香港並擔此計畫公諸於世，然後於2013年6月6日，在英國《衛報》搭美國《華盛頓郵報》公開[11]。

參攷資料

编辑
  1. ↑ RFC。1122, Requirements for Internet Hosts -- Communication Layers, 1.1.2 Architectural Assumptions, 1989
  2. ↑ Vinton (“Vint”) Gray Cerf. ACM (2005-02-16). 访问日脚2013-12-07.
  3. ↑ Robert (“Bob”) Elliot Kahn. ACM (2005-02-16). 访问日脚2013-12-07.
  4. ↑ Who Owns the Internet? You and i Do. New York Times (2002-12-29). 访问日脚2016-07-19.
  5. ↑ The Associated Press style guide will no longer capitalize 'internet'. The Verge (2016-04-02). 访问日脚2016-07-19.
  6. ↑ Bulletin! The 'Internet' Is About to Get Smaller. New York Times (2016-05-24). 访问日脚2016-07-19.
  7. ↑ The AP Stylebook Will No Longer Capitalize Internet. What a Shame.. Slate (2016-04-03). 访问日脚2016-07-19.
  8. ↑ TOP 50 COUNTRIES WITH THE HIGHEST INTERNET PENETRATION RATE. Internetworldstats.com. 原始文档勒2019-06-25存档. 访问日脚2013-12-07.
  9. ↑ Behind China's internet Red Firewall
  10. ↑ 2013年07月1日16:11 來源：搜狐網 作者：孫興傑 (2013-01-02). 孫興傑：朝鮮平板電腦 弗能上網可看金日成電影. Star.news.sohu.com. 访问日脚2013-12-07.
  11. ↑ Greenwald, Glenn; Ewen MacAskill (9 June 2013). "Edward Snowden: the whistleblower behind revelations of NSA surveillance". The Guardian (Hong Kong: Guardian Media Group). Retrieved 9 June 2013. 

參攷文獻

编辑
取自“https://wuu.wikipedia.org/w/index.php?title=互聯網&oldid=326597”