越南語

越南語（越南語：tiếng Việt／㗂越），又喊得京語（tiếng Kinh／㗂越），越南一般稱之越南語（Việt ngữ／越語）、國語（Quốc ngữ／國語）、安南語（tiếng An Nam／㗂安南，法國殖民辰光），南亚语系一種语言，属于孟－高棉语族或者越语族。越南語是越南個國家語言，是渠主体民族京族搭著中國少数民族京族個母語，另外蹲得海外個3百萬越僑使用。歷史高頂，京語曾經用漢字搭喃字表記（便是漢喃文），現代則使用以拉丁字母為基礎，加上若干個新字母及聲調符號個國語字（Chữ Quốc ngữ／𡨸國語）書寫。

方言

京語主要分三片方言。三者之間個差異主要在得音韻搭詞彙高頂，文法高頂只差方一點點。

方言名稱	地区	舊名
北部方言	河内、海防等地	東京方言
北中方言	乂安（荣、清章）、清化、广平、河静	上安南方言
中部方言	順化、广南	上安南方言
南部方言	胡志明市、湄公河三角洲	交趾支那方言

現代京語個發音以河內腔（北方方言）為標準。但是弗少海外越僑講個是西貢（南方方言）腔。海外個京語媒體交關也通是用西貢腔廣播個。河內腔跟西貢腔主要差別是来拉聲調搭捲舌音高頂。

河內腔裡向，下底三組字母發音是一樣個：tr=ch=/c/、d=r=gi=/z/、s=x=/s/。而在得西貢腔裡向是發音對立個。還有，西貢腔個 d 唸做半元音/j/。

捲舌音	平舌音	半元音	現代標準音
tr	ch	tr=ch=[c]
r	gi	d	r=gi=d=[z]
s	x	s=x=[s]

入聲韻尾方面，西貢腔僅將i以及一部分ê之後的-t發作/-t̚/，其他個-t均發作/-k̚/。而所有-ch通發/-t̚/。

聲調方面，西貢腔個跌聲（Thanh ngã；陽上；第5調）搭問聲（Thanh hỏi；陰上；第4調）合併。所以，西貢方言只得5個聲調。

音韻

京語搭漢語交關相像，構詞絕大多數以單音節（或稱字）為單位。搭多數漢語以及壯泰語言一樣，京語个音節好分為聲母、介音、韻腹、韻尾、聲調五部份。

漢越音

京語引进著大量漢字詞彙，所以有一套完整個漢字音系統。

從傳入時間搭越化程度等方面來看，京語個漢字音好分為標準漢越音、古漢越音搭越化漢越音三類。

• 大多數漢越詞發音為標準漢越音，個種詞喊得標準漢越詞或者純漢越詞。
• 另外比主體層次借入得古早種漢字音，喊得「古漢越音」，使用古漢越音个詞匯被稱為“古漢越詞”。比方：

mùi ← 味

buông ← 放

múa ← 舞

muộn ← 魚

cởi ← 解

khoe ← 夸

• 還有一部分讀音受越南語土音個影響交關大，因此語音變異比較大，叫做「越化漢越音」，使用越化漢越音個詞彙被稱為“越化漢越詞”。如：

gần ← 進

giường ← 床

vá ← 補

 

因為變化忒大，一般人弗會認出其是漢越詞，會得其當是本土詞。

詞彙

橘黃個是純越語素，綠顏色個是漢越語素。

京語搭韓語、日语一樣，都是漢字詞交關豐富個語言。依詞彙個來源，京語個詞彙好分成功做下头四種：

固有詞（純越詞）

固有詞（Từ thuần Việt／詞純越^*/?）是越南人本身就有倘詞彙，個種詞彙多是日常生活裡向常用倘概念，比方動詞「đi／𠫾（去）」、 名詞「cơm／粓（飯）」等；以及一些具象个名詞，比如「cây／𣘃（樹）」、「nước／渃（水）」咾啥。

漢字文化圈個語言，日語搭韓語至今依然並用兩套數詞（固有數詞跟漢語數詞），並且大量數字概念個表達方式通已漢化。而越南語沒有完全采用漢語數詞，一到千個數詞仍還有自固有個表達方式，只得少量個數字概念个表達方式漢化，「triệu（百萬）」就是漢字數詞「兆」。

漢越詞

漢越詞（Từ Hán Việt／詞漢越^*/?）是京語中個漢字詞彙。京語裡向漢越詞數量交關多，其比重弗低於60%。

外來語

外來語（Từ ngoại lai／詞外來^*/?）是京語里由漢語以外個語言嘞傳得來個詞彙。其主要來自近現代個法語、英语詞彙，也有少量来自本國少數民族語言或者其他语言。因為越南閒卯是法國個殖民地，法語借詞有好些，比如 「ga」（火車站）就是來自法語個「gare」。

混種詞

用以上弗同來源個詞素造個詞就喊得混種詞。比方：

vôi hoá／𥔦化－鈣化 （「𥔦」為固有語素“石灰”，「hoá」為漢越語素“化”）

ôm kế／揞計－歐姆表、歐姆計 （「ôm」為外來語素“歐姆”，「kế」為漢越語素的“計”）

nhà băng／家鏰－銀行 （「nhà」為固有語素“家、房”，「băng」為外來語素“銀行”）

ngày sinh／𣈗生－生日 （「ngày」為固有語素“日、天”，「sinh」為漢越語素“生”）

trưởng ga／長 ga－火車站長 （「trưởng」為漢越語素“長”，「ga」為法語外來語素“火車站”）

三種文書系統

歷史高頂，越南攏共有過三樣書寫個系統，包括：

• 漢文（文言文）
• 漢喃文
• 國語字(羅馬字)

京語國語字

1527年，葡萄牙個天主教傳教士來到越南，伽創製出用於轉寫紀錄京語羅馬字，種文字頂早初是用拉教學、傳教高頂個。後來，來自法國、意大利个傳教士也開始用羅馬字紀錄京語，但弗同國家倘傳教士用個拼音各弗相同。

17世紀，法籍傳教士亞歷山大·羅德用自創製個越南羅馬字出版上一本《京葡拉字典》（Từ điển Việt-Bồ-La，字典越葡拉），可以講是國語字誕生個標誌。

目前京語字母使用除 F（f）、J（j）、W（w）、Z（z）之外的22個拉丁字母以及 Ă（ă）、Â（â）、Đ（đ）、Ê（ê）、Ô（ô）、Ơ（ơ）、Ư（ư）7個變音字母。元音字母通過上加或下添符號來表達聲調種類，國語字用上5個符號表達6個聲調（有一個聲調沒用符號）：（以a為例）à、á、ả、ã、ạ。書寫辰光，按照音節隔寫，外來語雙音節詞彙或音譯詞用短橫連接每個音節，比方：Ra-đi-ô（radio）。

越葡拉字典內頁

現代國語字方案是多國傳教士公同創造個成果。

• nh 來自葡萄牙語
• gi、gh 來自義大利語
• tr 來自法語
• ph 來自葡萄牙語