人民广场（上海）
人民广场（上海言话发音：[zə̀nmīn kuɑ̃̄zã́]）勒拉上海市黄浦区，是上海个政治、经济、文化、旅游中心搭交通枢纽，也是上海顶重要个地标之一。
广义丄个“人民广场”主要是由一个开放式个广场、人民公园以及周边一眼文化、旅游、商业建筑等组成。
历史
编辑
人民广场勒上海开埠前是一片水田。道光廿八年（1848年）英租界扩张至此，修护城河，筑泥城，畀叫成功“泥城浜”。小刀会起义期间，咸丰四年（1854年4月3日），小刀会搭英軍、美軍在此打击过清军，史称“泥城之战”。
同治二年（1863年）“跑马总会”在英领事馆个支持下头强征泥城浜以西地段，箇𡍲变成功“上海跑马厅”，后首来又叫跑马厅，是当时辰光举行赛马等活动个场所。
1941年太平洋战争爆发后，跑马厅成为日军个兵营。抗日战争后，跑马厅又成为美军军营搭仓库。
1946年，上海市政府交跑马厅总会进行了多趟商洽，忖收回跑马厅。跑马总会于第二年4月9日，向香港政府按公司登记法登记成3个公司。上海跑马总会有限公司（会所与看台）；上海跑马总会马厩有限公司（马厩交宿舍）；上海跑马总会场地有限公司（草地跑道）。另外，当中个430亩公共体育场，仍旧用万国体育会个名义向外联系。以上4个单位，实质是跑马总会一家。伊歇，上海市政府迫于民意，朆同意跑马厅再开赛马，乃末，跑马总会衹好同意擔跑马厅部分土地出让畀政府，但要市政府勒郊区以10倍个土地建成赛马场交渠交换，后因共军接近上海，朆成事实。
1951年8月28号，上海军管会宣布收回跑马厅。9月，上海市人民政府拿跑马厅改建成人民公园搭人民广场。1954年5月31号，跑马总会所有建筑物由人民政府接管，跑马总会大楼改为上海图书馆。1957年勒黄陂北路190号兴建上海体育宫。以后又修建了上海市人大办公楼（后重建为上海市府办公楼─人民大厦）、上海博物馆、上海城市规划展示馆等建筑，1992年9月14号，人民广场综合改造工程开工。1997年，上海体育宫动迁至大渡河路1860号，原址造了上海大剧院。1997年，上海图书馆迁至淮海中路新馆，上海美术馆进驻原跑马总会大楼。
1970年4月25号，上海人民广场举行万民公审基督徒张愚之、陆道雄反革命案，并由电视实况转播。当场宣布伊拉死刑立即执行，勒游街示众之后畀处决[1][2][3][4]。
周边建筑
编辑
历史建筑
编辑- 国际饭店
- 西侨青年会
- 金门大酒店
- 大上海电影院
- 沐恩堂
- 大光明电影院
- 逸夫舞台
- 跑马总会
现代建筑
编辑公共交通
编辑公交车辆
编辑- 武胜路终点站：46、71区间、112、112区间、145、312、952、925B、隧道六线
- 普安路终点站：455、775、782、783、沪朱高速快线
- 其他：01、18、20、23、37、49、71、108、109、123、167、311、318、324、330、451、454、537、789、930、934、隧道三线、隧道夜宵线、上川专线、新川专线等。（详细公交线路请见：上海市公交线路列表）
参考文献
编辑- ↑ 张乐晨（张愚之之女）见证[链接坏脱]
- ↑ 《倪柝声的最后20年》，同案犯陶珠莉的见证，
- ↑ 陆道雄之妻邵圣清：神时代的见证人
- ↑ 张愚之师母见证：张愚之弟兄殉道記. 原始文档勒2008-08-31存档. 访问日脚2016-10-08.