介子

介子（meson）是自旋为整数、重子数为零个强子，比电子重，参与强相互作用。根据夸克模型，介子是由一隻夸克搭一隻反夸克组成个束缚态。根据其内部量子数，已发现个介子好分成功非异介子（π、ρ、J/ψ咾啥）、异介子（K、Q、K*咾啥）、粲－非异介子（D）、粲－异介子（F）、底－非异介子（B）咾啥。

历史

1934年，汤川秀树预测著介子存在搭其近似质量，讴渠mesotron（本生想取自希腊语mesos“当中”，预期质量介于电子搭质子当中），经海森堡纠正（呒没tr）改为meson。1936年，美国物理学家安德森来拉宇宙射线里发现種带单位电荷个粒子，质量为电子个206.77倍，大家以为箇个就是汤川秀树预言个介子，讴渠μ介子。后首发现渠是種轻子，勿参与强相互作用，个咾改名μ子。1947年英国物理学家鲍威尔来拉宇宙射线里又发现種粒子，带单位电荷，质量为电子个273倍，搭核子有老强个相互作用。箇个再是汤川秀树预言个介子，取名π介子。