伊樊·土健日夫
伊樊·世理健未蚩·土健日夫（羅宋文：Ива́н Серге́евич Турге́нев，1818年11月9日（優略曆：10月28日）-1883年9月3日（優略曆：8月22日））是搭菲安投露·投斯德賢夫斯紀、戾夫·泰露斯滔伊三介頭並爲19世紀羅刹文學代表作家，是羅宋帝國个貴族。
概要
编辑渠生在羅宋中部城市挨理安露个一隻地主貴族家庭。大學原本讀个是敎育，後首轉到哲學系，在裏向學著哲學搭古典語。1843年，任職內務省，弗過翌年便辭脫哉。後首相中身爲人妻个歌劇家保鄰·未耶露道，搬到拜理去住哉。茲後个日腳基本丄是在西歐搭羅宋之間來來去去。
代表作有《獵人日記》、《爺搭囡》咾啥。日本作家二葉亭四迷蠻早便翻譯爻渠个作品，蓋咾後首來對日本點自然主義作家，尤其是國木田獨步搭之田山花袋，產生著蠻大个影響。