卡斯蒂亚女王伊莎贝拉(西文：Isabel I de Castilla，1451年4月22号-1504年11月26号），是15世纪挨末阶段统治卡斯蒂亚王国个女王，1474年廿三岁辰光接替自家个同父异母阿哥恩里克四世即位。伊搭阿拉贡王国个费南笃二世结婚，让卡斯蒂亚王国搭阿拉贡王国形成共主联盟。1480年代，发动盖纳达战争，1492年，终于拿回回个盖纳达苏丹国灭脱，完成再征服运动。同年，资助哥伦布对大西洋探索，结果，发现新大陆，让西班牙获得后势来朆想象个殖民财富。一般认为，伊莎贝拉女王是西班牙历史浪顶顶伟大个君主之一。
