何典
《何典》是一部用吴语写个借鬼说事个清代讽刺小说。搿本小说是勒清嘉庆年间写个，翻刻勒光绪四年(1879年)，而真正流传开来是勒1926年。1981年，工商出版社印行“内部发行”版，2005年，学林出版社再出新注彩绘本。《何典》编著者“过路人”原名张南庄，清代上海人；评者“缠夹二先生”原名陈得仁，清代长洲（今江苏吴县）人。一九二六年六月，刘复（半农）拿搿本书标点重印，鲁迅也帮俚作题记（后收入《集外集拾遗》）。
作者
编辑张南庄 《何典》原署名“缠夹二先生评，过路人编定”。 1926年，刘复考订其作者是张南庄，评者是陈得仁。 张南庄生平弗清爽。据光绪刊本“海上餐霞客”跋，张是乾、嘉个辰光上海“高才不遇”个“十布衣”之冠首。俚个书法学个是欧阳询，诗词倒是学个是范成大、陆游，“岁入千金，尽以购善本，藏书甲于时。著作等身；而身后不名一钱，无力付手民”。写个作文稿侪勒咸丰初年畀战火烧脱哉，只有搿本书保存下来。据考证，“南庄”是俚个号，弗是真实个名字。所以“张南庄”到底是啥人还是谜团。张南庄个倪子张春蕾，孙子张小蕃。“海上餐霞客”是张小蕃个表兄弟。人们对张南庄所知，也就只有搿点。 评者缠夹二先生 《何典》戏仿《史记》体例，每回终了，由“缠夹二先生”作评语，有画龙点睛之妙。 评者“缠夹二先生”真名陈得仁，清代江苏长洲（今江苏吴县）人。 “缠夹二”是吴语词语，指讲闲话啰嗦、表达不清、欢喜纠缠、乱生枝节个人。
故事内容
编辑《何典》是一部交关奇怪交关奇特个章回体小说，一共10回。搿本书以滑稽幽默、口无遮拦个吴语，虚构之一部鬼话连篇个鬼世间个鬼故事，通过鬼个故事来讽刺人间个现实，勒中国古典小说当中可以讲是别具一格个。
通篇故事侪安排勒鬼蜮世界里向，讲个是阴山下鬼谷中三家村有一个财主名字叫活鬼，中年得子，不料勒谢神还愿之际，有人因斗殴死脱哉，遂被当方土地饿杀鬼讹财，气病而死。俚个倪子活死人少小无依，畀舅母赶出去讨饭，得到之仙人个指点，从鬼谷先生学艺，后因平息黑漆大头鬼等反叛有功,畀阎罗王封为蓬头大将，再奉旨搭臭花娘成亲，安居乐业。
目录
编辑序一 序二 序三 题记 为半农题记《何典》后，作 重印《何典》序 关于《何典》的再版 此出何典，何出此典 第一回 五脏庙活鬼求儿 三家村死人出世 第二回 何典 造鬼庙为酬梦里缘 做新戏惹出飞来祸 第三回 摇小船阳沟里失风 出老材死路上远转 第四回 假烧香赔钱养汉 左嫁人坐产招夫 第五回 刘莽贼使尽老婆钱 形容鬼领回开口货 第六回 活死人讨饭遇仙人 臭花娘烧香逢色鬼 第七回 骚师站痴心帮色鬼 活死人结发聘花娘 第八回 鬼谷先生白日升天 畔房小姐黑夜打鬼 第九回 贪城隍激反大头鬼 怯总兵偏听长舌妇 第十回 阎罗王君臣际会