保罗·卡加梅

保罗·卡加梅（法语：Paul Kagame，1957年10月23号－）是一位卢旺达圖西族政治家，亦为第六任及现任卢旺达总统。渠拉前任总统巴斯德·比齐蒙古拉2000年辞职后就任。卡加梅是個梟雄，從1980年代開始垃烏干達打仗，效忠於叛軍首領搭今朝烏干達總統約韋里·穆塞韋尼。穆塞韋尼戰勝後卡加梅加入進攻盧旺達個圖西族軍隊，後成為領導人。盧旺達大屠殺後卡加梅進攻進行屠殺個胡圖族政府並取得勝利結束大屠殺，事後渠出任副总统兼国防部长（1994-2000年），在此期间渠被认为是卢旺达实际上个领导人，引導盧旺達戰後重建。卡加梅垃1996年搭烏干達出兵扎伊爾打擊胡圖族軍隊發動第一次剛果戰爭，推翻蒙博托政權，協助建立剛果民主共和國，弗過在剛果安置個傀儡總統洛朗-德西雷·卡比拉弗忠與烏干達搭盧旺達，垃1998年驅逐兩國軍隊，卡加梅參與對卡比拉發動個第二次剛果戰爭，垃開始連連勝利後畀安哥拉等國阻止再次推翻剛果，弗過兩趟大戰盧旺達已經成為一方霸主，控制剛果東部弗少領土搭資源，且影響力老大。2003年停戰後卡加梅專注發展盧旺達經濟，迭國經濟增長迅速，有發展成非洲新加坡之勢。弗過卡加梅個威權主義統治，尤其是渠對國內政敵個打壓，畀渠受弗少批評。