僧伽跋澄
僧伽跋澄，个只名字梵文是Saṁghabhūti，意思是「众现」。伊是北印度罽宾国人。最精通个是《阿毘昙毘婆沙论》。
生平
编辑僧伽跋澄到处寻拜过名师，所以完备地修习了经律论三藏，还广泛个阅读过交关经典，伊精通禅数方面个经典。尤其是勒《阿毗昙鞞婆沙论》浪厢，特别能融会贯通来理解当中奥妙个意思。
僧伽跋澄欢喜到处跑，看各地风俗人情，来勒符坚个前秦建元十七年(公元381年) 伊游历到长安。个辰光佛教个大乘经典还没勒中国广泛传播，普遍流行勒中土个正好是禅数之学。所以到长安弘扬佛法个僧伽跋澄，马上受到重视，被当时个人称赞叫伊法匠。 僧伽跋澄勒来勒持戒及德行上老严格又完整，超脱尘世个俗气。长安一带个僧众拿伊当作榜样。但伊人后来消失而人家勿晓得伊到哪里去了。
译经贡献
编辑当时符坚个秘书郎赵正特别崇拜仰慕佛法，内么伊拿之衣服、饮食、汤药、房舍四样物事来供养僧伽跋澄，请伊翻译《鞞婆沙论》，结果是由释道安等人带之一批僧人来做个桩翻译个事体，由僧伽跋澄口诵拿经本背出来，另一位外国沙门昙摩难拿笔记录梵文，再让佛图罗剎口译讲出中文，而前秦个沙门敏智笔录出中文抄本，个辰光是建元十九年，从孟夏一直到仲秋个日脚才翻译好。[1]
僧伽跋澄随身还带之《尊婆须蜜菩萨所集论》个梵文本，勒建元二十年，伊再应赵正个邀请，特之昙摩难提、僧伽提婆及竺佛念等人译出《尊婆须蜜菩萨所集论》 十卷。[2]
当时特之僧伽跋澄一道进行译经个佛图罗剎，是个外国人但勿晓得是从阿里只国家来个，伊德业纯粹，也广泛涉猎佛典。勒中国跑了交关辰光，汉文讲得老崭，伊口译梵文到汉文，是当时人家老需要个。