克劳黛·考尔白（英语：Claudette Colbert，1903年9月13号－1996年7月30号），美国电影搭舞台剧演员，好莱坞三、四十年代个知名影星。渠出生拉法国巴黎，幼时举家移民美国，原名克劳黛·莉莉·肖戈安。
克劳黛·考尔白曾3次得到奥斯卡最佳女主角提名，其中以1934年个影片《一夜风流》得到奥斯卡最佳女主角奖。渠也得过甘迺迪艺术中心、林肯表演艺术中心、圣塞瓦斯提安国际影展个终身成就奖。考尔白拉好莱坞星光大道有属于渠个星。纽约一处渠早年拍过影片个制片厂，拿其中一栋建筑物以渠为名。1999年，渠被美国电影学会选为百年来最伟大个女演员第12名。
克劳黛·考尔白个政治立场倾向拉共和党保守主义。渠个丈夫是拉洛杉矶加州大学任职个一名医师。
