公共脚踏车

公共脚踏车（英语：bicycle-sharing system或者public bike share，缩写PBS），又叫公共单车、共享单车、共享脚踏车、共享自行车，一种老百姓租赁脚踏车使用权个服务。公共脚踏车大致分成两种。一种是本地社群团体、非营利组织或者政府机构来组织个，主要是非盈利性质个；另外一种是私人盈利公司提供个脚踏车短辰光租赁服务，是盈利性质个。世界上第一座公共脚踏车系统是2005年5月份法国里昂设置个公共脚踏车系统。

共享脚踏车计划主要想解决私人脚踏车个缺点，比方讲偷脱、维修保养、呒没地方摆车子咾啥。必过，租借同归还地点个数量有限，车子数量有限等地让共享脚踏车本生弗比私人自行车便利几许。弗定点摆桩个共享单车倒是种新兴个脚踏车分享形态，更加灵活便当，缺点么，随便停车会得产生交通堵塞，拿人行道侪停唻满满当当；运营维护成本高；废脱个车子多，而且呒没啥统一标准，零件拆下来也呒没办法用咾啥个。