六十家小說
《六十家小说》个本书是明朝个小说家洪楩编纂，大约莫写成书个辰光是勒明朝个嘉靖年代。裏向个内容有：《雨窗集》、《长灯集》、《随航集》、《欹枕集》、《解闲集》、《醒梦集》，一共六集。每一集分上下两册，每册裏向有五篇，个就是为啥体书个名字叫做《六十家小说》，个部书是中国现在存有个最古代个短篇话本小说集[1]，近代个人根据书板上向刻个有「清平山堂」字样，亦拿其叫做《清平山堂话本》[2]。
作者生平
编辑洪楩，明朝人，字子美，伊是钱塘（现在浙江个杭州）人，个位洪先生个出生跟逝世年份已经呒没人晓得了，只晓得伊是明朝嘉靖年代辰光个出版家特之藏书家，伊编写个著作有：《清平山堂话本》[3]、《夷坚志》、《唐书纪事》、《绘事指蒙》等书。
內容概述
编辑个本书裏向比较有特色个几篇小说是《合同文字记》、《快嘴李翠莲记》、《杨温拦路虎传》、《陈巡检梅岭失妻记》等。个当中又以《快嘴李翠莲记》勒刻画人物上厢风格比较鲜明。勒其它小说当中，《董永遇仙记》则保存了部份民间故事，《错认尸》、《戒指儿》则具有公案小说个雏形。从整体浪来讲，个些小说个文字风格质朴，呒没啥啰嗦个闲话[4]。
話本起源
编辑「话本小说」是古代中国小说里个种体裁个名称。作为中国古典小说个一种，话本产生勒宋朝，又勒元朝、明朝发展。体裁是作为民间说书人所依据个故事底本，用语体写成，大多数是以历史故事及当时社会生活作为题材。如《三国志平话》、《清平山堂话本》等皆是。按照题材跟长短，话本小说大致可以分成「长篇讲史」和「白话短篇」两大类[5]。
形式
编辑话本小说作为小说个一种，是因为有伊独特个结构模式。
话本一般性分入话、正话、结话三部分:入话：勒开场先读一首诗、词或者讲一只小故事。从诗、词出发，作者再发一番议论或者先讲一只特之正话内容类似个小故事，来引出正话。
正话：是故事本体，讲个当中经常出现「话说」、「且说」、「看官」、「诸公」、「今日为啥要讲个段闲话，是因为」等口头语。主要是要引起听众注意，一方面起着分层分段个作用，也可借此表现说话人个情绪和语调。一般以散文、韵文交插叙述。
结话：除脱故事个结局之外，还要加上一只结尾，有个是以诗词、偶句、题目结尾；有个是由作者直接总结全篇主旨、来说教，劝戒、或评论。
參見
编辑注釋
编辑參考資料
编辑- 孙一诊：《明代小说简史(上) 》 辽宁教育出版社 2000-12 ISBN：9787538217056 / 7538217053
- 胡士莹：《话本小说概论》，北京：中华书局，1980年。
- 王庆华：《话本小说文体研究》，上海：华东师范大学出版社，2006年。
- 常金莲：《六十家小说研究》，齐鲁书社，2008年。
- 周佳荣：《明清小说历史与文学之间》，商务印书馆，2016年。
- 中里见敬：〈反思《宝文堂书目》所录的话本小说与清平山堂《六十家小说》之关系> 档案，存勒互联网档案馆当中。（2016年3月14号）（2005）