六四运动

六四运动又畀人称为六四天安门事件或者八九民运，中华人民共和国政府一般叫伊为1989年春夏之交个政治风波，欧美国家则多以天安门广场抗议（英文：Tiananmen Square Protests）来形容箇记事体。六四运动是从1989年4月开始，由大学个学生子所主导、勒北京天安门广场发起个、长达将近两个号头个学生运动，之后由于获得民众支持而引发全国性示威活动。但弗过以强硬派为主个政府高层最后决定实施戒严搭仔派遣军队进行清场。1989年6月3号夜里向到6月4号凌晨，中华人民共和国政府派遣个中国人民解放军搭阻止部队行进个民众勒嗨北京市天安门广场附近地区爆发流血冲突，最后勒勒交关人死伤搭流亡、部分军人伤亡后，示威活动宣告结束。

过程

胡耀邦病死

4月17号，大学生垃天安门广场集合，人是越来越多。下半天，中国政法大学法律系学生约莫五百人组成一支游行队伍，垃人民大会堂东门举行悼念活动，当天夜里有几千人，警察赶也赶不跑，而且弗单单是政法大学个学生子。伊拉有约莫三千人。北京大学到天安门，经过仔清华大学也有交关人加进去。清晨学生子垃人民大会堂静坐辰光提出了七点要求：

一，重新评价胡耀邦同志个是非功过，肯定伊个民主、自由、宽松、和谐观点；
二，彻底否定清除精神污染帮反对资产阶级自由化，对蒙受不白之冤个知识分子平反；
三，国家领导人帮家属年薪，以及一切形式个收入对人民公开，反对贪官污吏；
四，畀民间办报，解除报禁，实行言论自由；
五，增加教育经费，提高知识分子待遇；
六，取消北京市政府制定个关于游行示威“十条”规定；
七，要求政府领导人就政府失误对全国人民作出公开检讨，并通过民主形式对部份领导实行改选。

戈尔巴乔夫访华

垃5月15号，当时个苏联共产党中央委员会总书记戈尔巴乔夫访问北京。

赵紫阳对学生子讲闲话

中共总书记赵紫阳叫学生回屋里，但伊拉弗肯跑，坐垃海埃面。

戒严令

赵紫阳呒没用，搿末轮到总理李鹏讲闲话。李鹏讲搿躺是对国家对人民反革命事体，还有外面幕后黑手支持，决定戒严，叫全部人即刻回屋里，留向街外面个保证弗来人身安全。

清场

6月3号夜里到6月4号凌晨，中国人民解放军派出坦克帮装甲车清场。

凌晨两点军队包围整个广场，凌晨四点，广场个灯畀渠关脱，军队用广播威胁学生子离开。

有纪录片讲，过程中有军人拿步枪，片子里向还有火光帮枪声。伊拉侪显示出有老多平民受伤。