共產黨頂頂開始辰光是以代表无产阶级（就是工人階級）個利益為名義成立個政黨。頂早個共產黨畀認為是1847年成立個共產主義者同盟。現在普遍指以共產主義搭卡爾·馬克思、弗里德里希·恩格斯對共產主義搭資本主義個講法為指導思想個政治團體，以拿社會推向共產主義社會為最終目標。曾經勒1917年十月革命過後掀起仔頭一趟浪潮（就是推翻脫本來個政權體制建立社會主義國家個運動，箇歇辰光還朆有別個國家成功過），還勒二戰過後掀起第二趟浪潮，中華人民共和國勒該段辰光基本建立仔全國性個社會主義制度。共產黨搭獨裁政權搭界是從史太林1922年畀選上俄國共產黨（布爾什維克）中央委員會總書記開始個，後歇來個人叫俚「史太林主義」。
