关陇集团

关陇集团，也好畀叫做关陇六镇集团、六镇胡汉关陇集团或武川镇军阀。武川镇军阀个名称，是满清帝国辰光，吴越个杰出考据学史家赵翼先生发明个，伊来勒自家所著个廿二史札记卷十五，当中写到“北周隋唐皆出自武川”。之后，陈寅恪拿迭个概念演绎，提出新学说，用来概括西魏、北周、隋、唐政权个统治特点。关陇集团迭个词汇，是陈寅恪命名个，关陇集团一个政治统治集团，顶早个来源是宇文泰个八柱国，由北魏六镇武将、代北武川镇个鲜卑贵族搭关陇地区豪族比方京兆韦缜、河东柳泽、太原郭彦、武功苏椿、河内司马裔、敦煌令狐整等组成个。