冲锋枪

冲锋枪(submachine gun,缩写SMG,直译“亚机关枪”),旧译手提机枪或手提轻机枪,一般泛指设计上用来由抵肩射击个风冷、弹匣/弹鼓供弹、可以自动射击发射手枪弹个轻型单兵长管枪械,搭同样是速射自动武器个机枪个差别拉弗使用全威力个步枪弹。

世界上第一款使用手枪弹个连发速射武器设计是第一次世界大战辰光协约国意大利拉1915年推出个维拉尔—佩罗萨(Villar-Perosa,简称VP或FIAT Mod.1915)航空机枪,采用双枪管设计,发射9毫米格利森蒂手枪弹,装有两脚架但没肩托,射速超过每分钟1500发,但因为是固定拉飞机上而弗是单兵携带所以弗被一些人看成是真正意义上个冲锋枪。