分析力学是理论力学一只分支，是对经典力学个高度数学化个表达。1788年拉格朗日发表个奠基作品《分析力学（Mécanique analytique）》一般性认为是分析力学个基础。
拉格朗日、哈密顿、雅可比等人用广义坐标搭仔变分法，建立一套同矢量力学等效个力学表述方法。同矢量力学比，分析力学个表述更具有普遍性。分析力学个方法好推广到量子力学系统搭仔复杂动力学系统中，勒拉量子力学搭非线性动力学里向侪有重要应用。
分析力学又好分成拉格朗日力学搭仔哈密顿力学。前者用拉格朗日量刻画力学系统，运动方程叫拉格朗日方程；后者用哈密顿量刻画力学系统，运动方程是哈密顿方程。
