利昂内尔·梅西

力卬·梅西，全名力卬·安德烈斯·梅西·古捷天尼（西文：Lionel Andrés "Leo" Messi Cuccittini，1987年6月24号生）是出身阿根廷，并效力美国职业足球大联盟迈阿密国际足球俱乐部个中前场运动员。乃朝持有阿根廷、西班牙双重国籍（弗过为阿根廷效力国家队比赛）。迭个球员技巧能力邪气老卵，是当今足球圈子当中个顶尖高手，擅长团队配合搭组织传递，自家个进攻能力也惊人。短板是身高太矮，身体对抗当中吃亏。弗过因为伊个敏捷表演性，迭个劣势有辰光也好为球队带来点球搭对手个红牌。