打开主菜单

剑桥(Cambridge,旧译康桥[1]),英国英格兰区域剑桥郡城市自治市镇-非侪市区,是英国历史最悠久个大学城。剑桥建立拉康河之上,拉伦敦以北约八十公里。二零一一年英国人口普查显示渠个有人口约十二万四千人,其中约二万五千人为学生。有考古学证据显示早拉青铜器时代剑桥已有人聚居,后拉罗马搭维京时期成为了重要个贸易中心。十二世纪皇家特许状授畀剑桥城镇个地位,但渠乃朝城市个地拉垃一九五一年才被正式授畀。

Cambridge

世界知名个剑桥大学一二零九年创立拉剑桥。大学个建筑包括国王学院礼拜堂卡文迪许实验室剑桥大学图书馆。剑桥大学图书馆是世上最大个法定送存图书馆之一。剑桥个天际线主要是几个大学学院个建筑,也包含圣母暨英格兰殉道圣人堂个尖塔、阿登布鲁克医院个烟囱搭圣约翰学院礼拜堂个尖塔。安格里亚鲁斯金大学个主要校址也拉垃剑桥,此大学演变自剑桥艺术学院(Cambridge School of Art)搭剑桥郡科艺学院(Cambridgeshire College of Arts and Technology)。剑桥也是所谓矽沼地(Silicon Fen)个中心,渠个包含诸如软件搭生物科学等等各种高科技产业搭各样剑桥大学间接带动个新创企业。多拉四成个剑桥劳动人口拥有高等教学学位,此为国家平均个两倍。世上最大个生物医学研究集中地之一个剑桥生物医学园区(Cambridge Biomedical Campus),也即拿成为阿斯利康制药柏特沃斯医院(Papworth Hospital)新址个所拉地。

剑桥个帕克公园(Parker's Piece)是世上第一场现代足球比赛个举行地点。剑桥个仲夏公地(Midsummer Common)为仲夏游乐会(Midsummer Fairs)搭有称为草莓游乐会(Strawberry Fair)个音乐艺术节之所拉地。一年一度个剑桥啤酒节举行拉耶稣绿地(Jesus Green)。剑桥拉M11A14公路之旁,而剑桥火车站距离伦敦国王十字车站弗足一小时车程。

拉剑桥,除了剑桥大学建筑之外,还有商店、公园、茶艺馆,以搭代表剑桥现代化一面个百货公司,商店搭运动设施。康河上可以泛舟,拉剑桥可以参加音乐会或步行到郊外欣赏幽美景色,也可以搭剑桥居民一样,享受骑脚踏车个乐趣。

  1. 中国诗人徐志摩所写个新诗再别康桥》便用上了“康桥”箇个旧译名。箇是渠拉最后一次游历剑桥后,拉回程上所写个诗作。