北京

北京（官話：Běijīng），即北京市，是中華人民共和國个首都，又稱之爲「京城」，中華人民共和國四個直轄市之一。伊勒拉華北平原个西北面边缘，西面是燕山，永定河经过北京老城西南，四周分别有天津市、河北省，是京津冀城市群个重要组成部分。

天安门

北京是一座有三千多年歷史、八百五十多年建都歷史个文化名城，歷史浪共有五個皇朝曾定都拉此地。北京是全國个政治中心，也是華北个經濟核心，乃歇更是全國頂大个陸空交通中樞。

北京薈萃了明、清辰光搭仔中華人民共和國建國以後个中國文化，擁有諸多名勝古蹟搭仔人文景觀，拥有交交关关个历史名胜古迹搭人文景观，有七项世界遗产，是世界浪拥有文化遗产项目数顶顶多个城市，世界浪想去北京看老建筑个人弗少。而且伊个政治氛圍另有一功，是中華人民共和國个政治中心。告咾通常撥江浙人認爲是一個旅遊勝地，不過一星南方人認爲該城市勒喫个方面嘸撥啥吸引力。

文化

北京文化是內陸農耕文化搭草原遊牧文化个結合體。由於地理位置个關係，北京自從遼代開始就受到北方遊牧民族个影響，來勒蒙古帝國搭滿洲帝國統治个辰光，又稱爲帝國个首都。幾百年个統治，讓北京文化帶有濃厚个遊牧色彩。北京話就是受到遊牧人影響後變異產生个。老北京話裏向交關詞彙，又來自滿語。

教育

北京是中國个教育中心，自從晚清開始，就有交關學堂來勒此地辦學。民國辰光，北京有著名个北京大學、輔仁大學、燕京大學、清華大學，是新文化運動个發源地。現在還有十餘所985、211重點大學。此外還有邪氣多个藝術學院、專業學院來勒北京。

體育

北京擁有專業个籃球隊搭足球，伊拉个球迷以激進聞名，北京國安隊个主場工人體育場每場比賽儕有幾萬人觀看，場面邪氣火爆。

參見

• 2008年北京奧運會
• 2022年北京冬奥会

• 北京
• 
• 
• 
• 
• 
• 
• 
• 
• 
• 
• 

外部連結

维基共享资源里向寻得着搭该篇文章搭界个多媒体资源：

北京