北条早云
北条早云（日文假名：ほうじょう そううん，1432年－1519年9月8号），是15到16世纪日本战国时代有名个冒险家，后北条氏个第一代当主。伊年轻辰光在拉京都学习佛经，后手来应仁之乱当中，跑到东海道今川氏个地盘，在拉今川氏内乱当中轧对仔淘，乃么拿着仔自家个兵马。到伊五十几岁辰光，再真正独当一面，对伊豆个堀越公方进行攻击；占领伊豆之后，修造韭山城，当成功自家个居城。之后，又对伊豆东北方向个相模国发动进攻，拿关东管领上杉氏赶跑，在拉六十八岁辰光，控制小田原城；此后1个世纪当中，迭个城堡也就一直是后北条氏个居城哉。北条早云活仔将近九十岁，也是一个有名个寿星。
名头 编辑
北条早云本生老早子是叫伊势长氏，自家讲祖上向是桓武平氏伊势流个后代。后手来，伊在拉京都参禅个辰光，得到宗瑞个名号，又自号早云庵主。后世就叫伊北条早云庵宗瑞，简称北条早云。伊一生里向，伊自家一直侪是用伊势迭只姓氏；但后手来，因为伊自家个后代冒充名门北条氏，创设仔后北条氏，乃么拿伊姓也改脱，变成功姓北条哉。