十二章国徽

十二章国徽是1913年2月到1928年间中华民国北洋政府辰光个中国国徽，又称“嘉禾国徽”。图案基于中国古代礼服个十二章花纹，设计者是鲁迅、钱稻孙搭许寿裳。袁世凯所建立个中华帝国亦沿袭作为国徽。

十二章国徽

历史

• 1912年（民国元年）8月份，伊个辰光勒拉中华民国教育部个鲁迅、钱稻孙、许寿裳三家头受命画国徽图案。8月28号设计好。钱稻孙绘图，鲁迅写说明，勒拉1913年2月发表。
• 1913年（民国二年）2月份，《教育部编纂处月刊》第一卷第一册刊登《致国务院国徽拟图说明书》，文里向说明国徽采用十二章，并还附有国徽图。文章附注里向还讲，原图经国务院提意见，已经照改过。文章呒没签名，但同《鲁迅日记》里写个一样，可能是鲁迅等人作个。《鲁迅博物馆保管目录》里向有“袁世凯时期国徽图案铅模一件”，是十二章国徽图案，铅质，明文。