华南虎
华南虎（上海闲话：[ɦo][nø][fu]）又叫中国虎，是老虎个一个亚种，生活勒中国个南部，是老虎所有种类里向悬开灭绝顶顶近个一种，估计世界浪个野生华南虎比20到30只还要少，勒中国个18个动物园里向还有47只圈养个华南虎，是中国一级保护动物。
 | ||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||||||||
| 保护状况 | ||||||||||||||||||||||||||||
| 生物分类法 | ||||||||||||||||||||||||||||
| ||||||||||||||||||||||||||||
| 三名法 | ||||||||||||||||||||||||||||
| Panthera tigris amoyensis |
外形
编辑华南虎个个体比较小，是虎类当中个体顶小个几个亚种之一，雄老虎身长大约2.5米（加头），重约150公斤。雌老虎身长约2.3米，体重约110公斤。毛皮浪有花个路路，短还狭，路路之间个距离比孟加拉虎、西伯利亚虎个要大。
分布
编辑老早勒中国个范围分布交关大，数量也最多。渠个分布除脱华南以外，还包括华东、华中、西南个广阔地区，甚至陕南了陇东了豫西了搭晋南等个别地区也曾发现过。
猎物
编辑搭别个老虎个亚种差勿多，华南虎主要是猎食有蹄类动物，顶欢喜个体型大约摸30-400磅。雄性华南虎会攻击比较大个动物，像黑熊搭马来熊咾啥。
高危
编辑1959年，因为毛泽东勒大跃进个辰光讲华南虎是「人类个敌人」，渠个物种数目到1976年已经由2,000只急降到大约摸200只。1977年，中国政府对虎个政策变脱，禁止捕杀任何野生虎，必过华南虎个剩余数目已经勿来事进行大规模繁殖。
