华氏温标
华氏温标（Fahrenheit Scale）是一种温标，伊个符号为℉。华氏温标个定义是：拉标准大气压下，冰个熔点为32℉，水个沸点为212℉，中间有180等分，每等分为华氏1度。
根据德国科学家华伦·海特于1724年所写个一篇期刊，渠使用三个参考温度来标示渠个刻度。奈温度计放了由冰、水搭仔氯化铵所混合而成个盐水中，量个刻度即为零度，因为迭是当时能制造出最低温度个物品。盐水是一种制冷混合物，可以奈温度自动维持拉华氏零度。第二个刻度是32度，是奈温度计放正好有冰形成拉表面个水中所量得个刻度。第三个刻度为96度，是奈温度计照含入口中，或夹拉勒胳肢下头所量得个刻度。