卑摩罗叉
卑摩罗叉，IAST：名字个梵文是 Vimalākṣa ，翻译到汉语个意思是「无垢眼」。伊是罽宾国人。由于伊个眼睛里厢带有青色，而且勒佛法上是以三藏当中个律学为主，尤其对《十诵律》研究得深，当时辰光个人就尊称伊为「青眼律师」。[1]终年七十七岁。
弘法经历
编辑来勒从西晋到南朝个宋元嘉年间，中国个佛经翻译家们主要都来自罽宾个只小国家，其中包括如僧伽提婆、佛陀耶舍。至於到过罽宾游学而再来到汉地个僧人就更加多了，如佛图澄、鸠摩罗什、昙无谶等人。罽宾是当时阿毘昙、小乘佛学个中心，而且律学特之禅学也老发达。[2]当地个佛教学风也就展现勒卑摩罗叉对于律学个娴熟上。[3]
出家之后个卑摩罗叉以修苦行为务，勒苦行当中体会佛教个深意，再后来伊来勒龟兹国弘扬阐明律藏，吸引得当时四方个学者争相赶去学习。其中，鸠摩罗什也在此参与了学习律法个行列。[4]卑摩罗叉在龟兹国个弘法事业一直到龟兹国被灭脱，伊才到中国去。
卑摩罗叉到中国，一方面是伊听到鸠摩罗什已经到了中国长安，展开了译经弘法个事业；另一方面是伊希望对戒律个学习能够勒中国传播开来。那么在这两只重要原因个驱使下，伊长途跋涉来到长安。[5]两家头会面后，鸠摩罗什对伊蛮恭敬，以师礼待之。
卑摩罗叉勒鸠摩罗什死后，就住勒寿春个石涧寺，有交关想要学习佛教戒律个僧人都聚集过来，卑摩罗叉就以罗什所译个《十诵律》为本，大阐戒律之学。[6][7]由于罗什所译《十诵律》本来有五十八卷。最后一诵讲明受戒法及诸成善法事。罗叉补译出《善诵毗尼序》（又称为《毗尼诵》）三卷，一共整理成为六十一卷。[8]
卑摩罗叉接下来又跑到江陵辛寺开讲《十诵律》，造成轰动，析求文理来听个人，轧得来像一片树林。结果是交关人都明明白白地晓得了戒律个条文，效果非常好。律藏个大弘扬，可以讲是卑摩罗叉个功劳。[9]慧观律师后来拿伊个讲授内容作了整理记录，把戒制条文，分轻重写成两卷，送到京师，书个销路太好，弄得当时洛阳城里纸头涨价贵得勿得了，因为来勿及出产用来印伊个书。[10]
卑摩罗叉性好闲静，远离尘俗，后圆寂于寿春石㵎寺，享寿七十七岁。
弟子
编辑伊个弟子慧猷是长江南岸人。年纪小就出家，驻于江陵辛寺。从小就吃素，个性方直。专精于律戒，后来跟卑摩罗叉学，对《十诵》研究尤其深。陕西个律师，都以伊为尊。最后勒江陵逝世。著作有《十诵义疏》八卷。[11]
对佛经翻译作出个贡献
编辑- 《毘尼诵》三卷
- 《杂问律事》二卷
注釋
编辑- ↑ 《释氏六帖》卷9：「为人青眼，号青眼律师。」
- ↑ 杜继文，《佛教史》，页105。
- ↑ 《历代三宝纪》卷7：「罽宾国三藏律师卑摩罗叉」以「三藏律师」称之，正凸显了卑摩罗叉在律学上的成就。
- ↑ 《高僧传》卷2：「先在龟兹弘阐律藏，四方学者竞往师之，鸠摩罗什时亦预焉。」《出三藏记集》卷3：「后有罽宾律师卑摩罗叉，来游长安。罗什先在西域，从其受律。」
- ↑ 《高僧传》卷2：「闻什在长安大弘经藏，又欲使毘尼胜品复洽东国，于是杖锡流沙，冒险东入。以伪秦弘始八年，达自关中。」
- ↑ 释氏六帖》卷9：「叉至寿春石涧寺，律徒云集，讲什公所译《十诵》。」
- ↑ 《高僧传》卷2：「及罗什弃世，叉乃出游关左。逗于寿春，止石涧寺。律众云聚，盛阐毘尼。」
- ↑ 高僧传》卷2：「罗什所译《十诵》，本五十八卷。最后一诵谓明受戒法及诸成善法事。逐其义要，名为善诵。叉后赍往石㵎，开为六十一卷。最后一诵改为毘尼诵，故犹二名存焉。」
- ↑ 《高僧传》卷2：「律藏大弘，叉之力也。」
- ↑ 《高僧传》卷2：「道场慧观深括宗旨，记其所制，内禁轻重。撰为二卷。送还京师，僧尼披习，竞相传写。时闻者谚曰：『卑罗鄙语，慧观才录，都人缮写，纸贵如玉。』」。
- ↑ 《高僧传》卷11。
参考文献
编辑- 南朝梁，慧皎著，《高僧传》。
- 南朝梁，僧佑著，《出三藏记集》。https://zh.wikisource.org/wiki/出三藏记集
- 隋，费长房著，《历代三宝记》。
- 隋，法经撰，《众经目录》。
- 唐，道宣撰，宋，元照述，《四分律含注戒本疏》。
- 唐，道宣撰，《关中创立戒坛图经》。
- 《古今图书集成选辑》